ப்ரசன்னாவின் பதிவுலகம்

கொடநாடு காட்சிமுனை....

2008-08-27T17:12:00.011+05:30

ஊட்டி மலைச் சாரலிலே...4

ஆணி கொஞ்சம் அதிகமா போனதுனால அடுத்த பகுதி உடனே எழுதமுடியலை. அதுக்குள்ள கோடிக்கணக்கான தனிமடல் வந்திருச்சு. (சரி... சரி.....)

நீலகிரி எக்ஸ்பிரஸில் வந்த முதல் பகுதி இங்கே....
மேட்டுப்பாளையத்திலிருந்து ஊட்டிக்கு வந்த இரண்டாம் பகுதி இங்கே
தொட்டபெட்டா ரோட்டுமேல இங்கே.... இது வரைக்கும் படிக்கலைன்னா உடனே படிச்சிடுங்க..

கொடநாடு, கோத்தகிரியிலிருந்து சுமார் 20 கி.மீ தூரத்தில் இருக்கு. போற வழி சுமாராதான் இருந்துச்சு. ஆனா வழியெங்கும் பச்சைப் பசேலுன்னு டீ எஸ்டேட்களும், தோட்டங்களும் இருந்தது. நாங்க போகும் போது நல்ல மேகமூட்டமா வேற இருந்துச்சா... பார்ககவே அமர்க்களமா இருந்துச்சு.. வண்டியை நிறுத்தி நிறுத்தி நல்லா பார்த்து ரசிச்சுகிட்டே போனோம். போகும் வழியில் இருந்த ஒரு அழகான கிராமம் கீழே.

கொடநாடு எல்லையிலேயே "அந்த" எஸ்டேட் இருக்கு. சும்மா சொல்லக் கூடாது நாங்க பார்த்ததிலேயே அருமையா பராமரிச்சு பார்க்கவே அழகா இருந்தது அந்த எஸ்டேட் தான். மொத்தம் 9 கேட். கேட் 4 கிட்டதான் பங்களா இருக்கு. நாங்க போன சமயத்தில "அவங்க" அங்கதான் இருந்தாங்க. அதுனால போலீஸ் பாதுகாப்பு இருந்துச்சு. பங்களா தாண்டி சுமார் 2 கி.மீ தொலைவிலே இந்த காட்சி முனை இருக்கு.

நாங்க போனபோது எங்களைத் தவிர இன்னும் இரண்டு பேர் மட்டும்தான் அங்க இருந்தாங்க.. இப்படி ஒரு சுற்றுலா தலத்தில் ஆளே இல்லாமல் இருந்ததுனால இங்க எதுவுமே இருக்காது போல இருக்கே. தேவையில்லமா வந்துட்டோமோன்னு நினைச்சேன். காட்சிமுனை கோபுரத்தின் மேலே ஏறிப்பார்த்தபோதுதான நான் நினைச்சது எவ்வளவு தப்புன்னு தெரிஞ்சது.

என்ன அருமையான காட்சி. என் வாழ்நாளில் நான் பார்த்த மிகச் சிறந்த இடங்களில் இதுவும் ஒண்ணு. அதை விவரிக்க வார்த்தைகள் போதாதுங்க. சுத்தி வர மலைகள். நடுவில் பசுமை பள்ளத்தாக்கு. அந்த அழகே அழகு. அந்த பள்ளத்தாக்கின் முடிவில் ஒரு கிராமம். (தெங்குமராடா).. அருகே பாயும் மோயார் நதி. அந்த நதி அப்படியே சென்று பவானியில் கலக்குது. அப்பர் பவானி அணையின் அழகும் தெரியுது. ஆஹா என்ன அருமை. என்னைக் கேட்டால் உலகத்திலேயே வாழ அழகான இடம் அந்த தெங்குமராடா கிராமமுன்னு தான் சொல்லுவேன். என்ன அருமையான சூழல். காட்சிமுனை கோபுரத்தில் இருந்து பார்த்தால்தான் இந்த இடம் எவ்வளவு உயரத்தில் இருக்குன்னு தெரியுது. பக்கத்திலேயே ரங்கசாமி சிகரம் இருக்கு. அதைவிட உயரத்தில் இருக்கு இந்த இடம். உண்மையிலேயே காலடியில் மேகங்கள் தவழுது. பறவைப் பார்வைன்னு சொல்லுவாங்களே. அதை இங்க சூப்பரா அனுபவிக்கலாம்.

அழகான பசுமை பள்ளத்தாக்கு, அதில் ஓடும் நதிகள், அங்கே ஒரு அழகிய கிராமம், அணைக்கட்டு, சுற்றிலும் சூரியனின் வெள்ளி பூச்சு பூசியதுபோல சூரிய ஒளியில் குளிக்கும் மலைகள், ஆஹா வர்ணிக்க எனக்கு வார்த்தைகள் தெரியவில்லை.

சொல்ல மறந்துட்டேனே...இந்த அழகான தெங்குமராடா கிராமத்தில் தான் அன்னக்கிளி படத்தில் மச்சானைத் தேடும் பாடலை படமாக்கினாங்களாம். இந்த சரித்திரக் குறிப்பை எனக்கு சொன்னது டிரைவர் சரவணன்.

கீழே படத்தில் இருப்பதுதான் ரங்கசாமி சிகரம்.

கீழே படத்தில் கீகீகீழே.... தெரிவதுதான் தெங்கமராடா அருகில் மோயார் நதி

ரங்கசாமி சிகரமும் பவானி அணையின் ஒரு பகுதியும் கீழே

தெங்கமராடா கிராமத்திற்கு இந்த காட்சி முனையிலிருந்து இறங்கி ட்ரெக்கிங் செல்லலாமாம். ஆனால் அதுக்கு வனத்துறை அனுமதி பெற வேண்டுமாம். இந்த இடத்தில் சூரிய உதயமும் அஸ்தமனமும் அருமையாக இருக்கும் என்று சரவணன் சொன்னார்.

காட்சி கோபுரத்தின் கீழே ஒரே ஒரு கடை இருக்கிறது. அதற்கு பக்கத்தில் ஒரு இருவது படிகள் கீழிறங்கி செல்லலாம். போனால் இதே அழகை அங்கிருந்தும் ரசிக்கலாம். நாங்க இதை பார்த்து ரசித்துக் கொண்டே இருந்ததில் நேரம் போனதே தெரியலை. ரொம்ப நேரம் அங்கேயே இருந்தோம். ஊட்டி வரும் சுற்றுலா பயணிகள், பொதுவாக இங்கே வருவதில்லைன்னு சரவணன் சொன்னாரு. நீங்க ஊட்டி போனீங்கன்னா இந்த இடத்துக்கு கண்டிப்பா போங்க... தவறவிடாதீங்க...

ஒருவழியா மனசே இல்லாம அங்கிருந்து கிளமபி.. கோத்தகிரி வழியாவே ஊட்டி வந்தோம். சரவணன் அடுத்து எங்களை அழைத்து போன இடம் டீத்தூள் தயாரிக்கும் தொழிற்சாலை. பறித்த தேயிலைகளில் இருந்து டீ எப்படி தயாராகுதுன்னு காமிச்சாங்க. நல்லா இருந்தது. கூடவே குடிக்க டீயும் குடுத்தாங்க... ஊட்டி டீன்னா ஊட்டி டீதான். சூப்ப்ரா இருந்துச்சு. அங்கயே டீத்தூள் எல்லாருக்கும் வாங்கிகிட்டோம். ஊட்டியில பல இடங்களில் டீத்தூள் வித்தாலும் தரமான டீத்தூள் வாங்கணுமுன்னா நீங்க இங்கதான் (The nilgiri tea factory)போகணும். அங்க புதுசா வெள்ளை டீ ஒண்ணு இருந்துச்சு. அது குடிச்சா அவ்வளவு நல்லதாம், பல வியாதிகள் குணமாமுமாம். விலை ரொம்ப அதிகம். நான் பச்சை டீ தான் கேள்விப்பட்டிருக்கேன். வெள்ளை டீ இங்கதான் பார்த்தேன். இன்னொன்னு, இங்க கிடைக்கிற நீலகிரி தைலமும் நல்ல தரமானதா இருக்கு. Home made chocolates கூட நல்லா இருக்கு.

அங்கிருந்து நேரா நாங்க போனது, பொட்டானிக்கல் கார்டன் ஆனா எல்லாரும் அசதியா இருந்ததுனால இன்னொருநாள் போயிக்கலாமுன்னு உள்ளேயே போகாம திரும்பிட்டோம். அங்கிருந்து நேரா பையன் ரொம்ப ஆசைப் பட்டதுனால போட்டிங் போனோம். அங்க விளையாட்டுகள் நிறைய இருக்கு. ஆனா நாங்க படகுல மட்டும் போயிட்டு, அங்கிருந்த மினி ரயிலிலும் போயிட்டு திரும்பிட்டோம்.

6:30 மணிக்கெல்லாம் நல்லா இருட்டி போச்சு. நேரா தங்கிருந்த இடத்துக்கு வந்து சேர்ந்தோம். நல்ல குளிரு வேற.ரூமில தரையில கால வைக்க முடியலை. என்னதான் heater போட்டாலும் வேலைக்காகலை. இருந்த கம்பளியை எடுத்து நல்லா போத்திகிட்டு பெட்டு மேலயே உட்கார்ந்திருந்தேன். 8 மணிக்கு இரவு உணவு தயாராகிடுச்சுன்னு விக்ரம் வந்து சொன்னாரு. குளிருக்கு இதமா சுடச் சுட அருமையான உணவு ரெடியா இருந்துச்சு. சாப்பாட்டுக்கு அப்புறம் என்ன சுகமான தூக்கம்தானே. நாள் முழுவதும் சுத்தினதுதான தூக்கம் சொக்கிடுச்சு. கொஞ்ச நேரம் டி.வி பாத்திட்டு தூங்கியாச்சு.

(தொடரும்................)

பெய்ஜிங் ஒலிம்பிக்ஸ் தோட்டம் - படங்கள்

2008-08-20T18:06:00.009+05:30

நம்ம இந்தியா 2வது பதக்கம் வாங்கி சாதனை புரிஞ்ச மகிழ்ச்சியான நாள் இது.
.இந்த சந்தோஷத்தோட பெய்ஜிங்கில் இருக்கும் ஒலிம்பிக்ஸ் தோட்டத்தின் படங்களை பார்த்து ரசிக்கலாம் வாங்க. எவ்வளவு அருமையா இருக்கு பாருங்க... நல்ல கலைத்திறன். மொத்தம் 22 படங்கள் இருக்கு. பொறுமையா ரசியுங்கள். படத்தின் மேல் கிளிக்கினால் படம் பெரிதாக தெரியுமுன்னு உங்களுக்கு சொல்லணுமா என்ன?

இதை எனக்கு அனுப்பிய தோழருக்கு நன்றி

குசேலன் இனிமே கண்டிப்பா ஓடிடும்...ரஜினி கண்டுபிடிப்பு

2008-08-15T16:48:00.002+05:30

குசேலனைப் பத்தி எல்லாரும் எழுதிட்டாங்க.. அதுனால நான் எதுவும் எழுத வேணாமுன்னு நினைச்சேன்.

ஆனா இன்னிக்கு செய்தித்தாளில் இந்த விஷயத்தைப் படித்ததும், கண்டிப்பா என்னால சிரிப்பை அடக்க முடியலைங்க....

விஷயம் இதுதான் - "குசேலன் படம் சரியாக போகாத விஷயம் 'ரோபோ' படத்தின் மேக்கப் டெஸ்ட்டுக்காக அமெரிக்கா சென்றிருந்த ரஜினியிடம் தெரிவிக்கப் பட்டது. இதனால அதிர்ச்சியடைந்த ரஜினி அவசரமாக சென்னை திரும்பினார்.

டைரடக்கர் பீ.வாசு, தயாரிப்பாளர் பாலச்சந்தர், ரசிகர் மன்றத் தலைவர் சத்ய நாராயணா ஆகியோருடன் அவசர ஆலோசனை நடத்தினார். குசேலன் படம் எதிர்பார்த்தது போல் ஓடாததற்கான காரணம் குறித்து இக்கூட்டத்தில் அலசப்பட்டது.

படத்தில் "அடிக்கடி இமயமலைக்கு போவது ஏன்?", "அரசியலுக்கு இப்போ வருவேன், அப்போ வருவேன்னு சொல்லி ஏமாத்துவது ஏன்?", நீங்க அரசியலுக்கு வரணும் வந்தால்தான் என்னத்தக் கிழிக்கப் போறீங்கன்னு தெரியும்" என்றெல்லாம் சுந்தர்ராஜன் ரஜினியிடம் கேள்வி கேப்பது போலவும் அதுக்கு ரஜினி பதிலளிப்பது போலவும் காட்சிகள் இடம் பெற்றுள்ளன. அரசியல் குறித்த கேள்விக்கு 'அது அந்தப் படத்தில் டைரக்டரின் வசனம்' என ரஜினி மழுப்பலான் பதில் அளிப்பது, ரஜினியை கிண்டலடிப்பது போல சுந்தர்ராஜன் கேள்விகளைக் கேட்பது போன்றவற்றை ரஜினி ரசிகர்கள் விரும்பவில்லை. அதனால் படம் ஓடவில்லை என்னு கண்டறியப்பட்டது.

இதையடுத்து சுந்தர்ராஜன் ரஜினியிடம் கேள்விகள் கேட்பது போல வரும் காட்சிகளை நீக்குமாறு ரஜினி உத்தரவிட்டுள்ளார். இந்த காட்சிகள் நேற்று முதல் நீக்கப் பட்டது."

இனிமே படம் சூப்பர் ஹிட்டு தாங்க............. சில்வர் ஜூப்ளிதான்.......... சூப்பரா காரணம் கண்டுபிடிச்சுட்டாங்க........

ஹைய்யோ.........ஹைய்யோ........................என்னத்த சொல்ல

தொட்டபெட்டா ரோட்டு மேல...

2008-08-07T16:16:00.005+05:30

வாங்க வாங்க.....இது ஊ.ம.சா-3.

நீலகிரி எக்ஸ்பிரஸில் வந்த முதல் பகுதி இங்கே....

மேட்டுப்பாளையத்திலிருந்து ஊட்டிக்கு வந்த இரண்டாம் பகுதி இங்கே

சரவணன் சொன்ன நேரத்துக்கு வந்துட்டாரு... காலை உணவு சாப்பிட்டு தொட்டபெட்டாக்கு வண்டியிலே கிளம்பியாச்சு. போற வழியிலெல்லாம் இருக்கும் இடங்கள் பற்றி சரவணன் சொல்லிக்கிட்டே வந்தாரு... எங்கே பார்த்தாலும் பச்சைப் பசேலுன்னு இருந்துச்சு, பாக்க பாக்க கண்ணுக்கு குளிர்ச்சியா இருந்துச்சு.

கோத்தகிரி ரோட்டுல போயி, தொட்டபெட்டாக்கு திரும்பும் இடத்திலிருந்து மேலே போக போக ரோடு ரொம்ப மோசமா இருந்துச்சு. வண்டிக்கு கட்டணம் வசூலிக்கிறாங்க.. ஆனா ரோட்டை பராமரிக்கவே இல்லை. என்ன இது எவ்வளவு சுற்றுலா பயணிங்க வராங்க... ரோடு நல்லா போடலாமில்லைன்னு சொன்னா, நம்ப சரவணன் சொன்னாரு, இந்த ரோடு 2 மாசத்துக்கு முன்னாடி போட்டது தானாம். என்னத்த சொல்றது..............என்ன கொடுமை சரவணன் இது?????????

ஒருவழியா வண்டி நிப்பாட்டும் இடத்துக்கு வந்து சேந்தாச்சு. ஆனா என்னாடா சிகரமுன்னு சொன்னாங்க... இங்க எதையும் காணோமேன்னு பார்த்தா...இதுக்கு மேல நடந்து போகணுமுன்னு சொன்னாங்க... கரடு முரடா இருந்த சின்னப் பாதையில ஏறினோம்... நம்ம வாண்டையும் தூக்கிக் கிட்டு, நம்ம உடம்பையும் தூக்கிகிட்டு ஏறுறதுக்குள்ள நாக்கு தள்ளிப் போச்சு.

மேல போனா அங்க நுழைவுச்சீட்டு வாங்கணுமுன்னு சொன்னாங்க...அதையும் வாங்கிட்டு... போனா ஊட்டியோட குளிரு என்னான்னு அங்கதான் நல்லா தெரிஞ்சது. ஆட்டிருச்சு ஆட்டி. தங்கமணி முன்னேற்பாடா sweater (இதுக்கு தமிழில் என்ன??....) எடுத்துட்டு வந்திருந்தாங்க.. நான் ரொம்ப பந்தாவா, ஜூலை மாசத்தில ஊட்டியில குளிராதுன்னு சொல்லி எதுவும் எடுத்துட்டு வரலை. ஊட்டிக்கு வந்தபோது கூட அவ்வளவு குளிராயில்லை... ஆனா தொட்டபெட்டாவுல குளிர் ஆட்டிருச்சு.. தங்கமணி நக்கலா என்னைப் பாத்தாங்க.."ஒழுங்கா sweater எடுத்துட்டு வந்திருக்கலாமுல்ல"ன்னு சொன்னாங்க. ஆனா நம்ம யாரு... குளிராத மாதிரியே... "இதெல்லாம் ஒரு குளிரா" எனக்கு ஒண்ணும் குளிரலைன்னு சொன்னா...."இதுக்கு ஒண்ணும் குறைச்சலில்லை"ன்னு பதில் வருது. எதுக்கு குறைச்சலில்லை?????

தொட்டபெட்டா சிகரத்தில பார்த்தா அருமையான இயற்கை காட்சிகள் எல்லாம் காணக்கிடைக்குது. ஒரு காட்சி முனை (view point) கட்டடம் இருக்கு. அது மேல ஏறினா அங்க தொலைநோக்கியை வச்சு ஊட்டி ரேஸ் கோர்ஸ் காமிச்சாங்க.. நானும் பார்த்தேன்.. என்னக்கு என்னமோ பச்சையா தெரிஞ்சது...(no....அந்தப் பச்சையில்லை. நான் சொன்னது Green அந்தப் பச்சை. தமிழில் எல்லா வார்த்தைக்கும் இன்னோரு அர்த்தம் இருக்குடா சாமி)

சிகரத்தின் மேலேயே ரொம்ப நேரம் இருந்தோம்.. சின்னப் பூங்கா ஒண்ணு இருந்தது... நல்லா பராமரிச்சு வச்சிருந்தாங்க... அங்கேயே ரொம்ப நேரம் உட்கார்ந்து ரசிச்சிட்டு இருந்தோம்.

அப்போ நம்ம சரவணன் இந்த இடம் திருடா திருடா படத்தில் வரும் என்ற சரித்திரக் குறிப்பு சொன்னாரு. இந்த மாதிரி நிறைய சரித்திரக் குறிப்புகள் சொன்னாரு.. அதையெல்லாம் உங்களுக்கு சொல்லுவது என்னோட கடமை.

சரி தொட்ட பெட்டா வந்துட்டோமே... முட்டை பரோட்டா சாப்பிடலாமான்னு பார்த்தா... அது கிடைக்கலை. ஆனா சுட சுட மிளகாய் பஜ்ஜி இருந்துச்சு. அதை விடலாமா... ஒரு கை பாத்தாச்சு... குளிரில் சூடான பஜ்ஜி சூப்பரா இருந்துச்சு.

இங்கயே இருந்தா நேரமாகிடும் அடுத்து கோத்தகிரி வழியா கொடநாடு போகலாமுன்னு கிளம்பி, மறுபடி அதே வண்டி நிறுத்தும் இடத்துக்கு சின்னப் பாதை வழியா இறங்கி வந்தோம். அந்த பாதை முழுவதும் சின்ன சின்ன கடைகள். தொப்பி, கண்ணாடி, சூடான கடலை, கேரட் எல்லாம் இருந்தது. கேரட் அப்போத்தான் பறிச்சா மாதிரி பாக்குறதுக்கு சூப்பரா இருந்தது.

ஒருவழியா வண்டிக்கு வந்து ஏறி கொடநாடுக்கு கிளம்பியாச்சு..... அடுத்த பகுதியில போயிடலாம்....................

(தொடரும்...)

ஊ.ம.சா- பகுதி-2

2008-07-30T18:11:00.007+05:30

ஊட்டி மலைச் சாரலிலே முதல் பகுதி படிச்சிருப்பீங்க..... என்னாது, இன்னும் படிக்கலையா? உடனே இங்க போய் படிச்சிட்டு ஓடீயாங்கப்பு....

படிச்சிட்டீங்களா? அப்ப நம்ம தொடருவோம்.

மேட்டுப்பாளையத்தில் இறங்கின உடனே பெரும் அதிர்ச்சின்னு சொன்னேனே.. என்ன தெரியுமா... அந்த ஜோடி இறங்கின உடனே ஒருத்தரை ஒருத்தர் பாத்து சிரிச்சாங்க.... அப்புறம் அந்த பையன் அங்க காத்துகிட்டு இருந்த இன்னோரு பொண்ணோடயும், அந்த பொண்ணு இன்னோரு பையனோடயும் கிளம்பி போயிட்டாங்க..........ன்னு சொன்னா கதைக்கு சூப்பராத்தான் இருக்கும். ஆனா அப்படி ஏதும் நடக்கலையே...அவங்க ரெண்டு பேரும் எங்களுக்கு முன்னாடியே இறங்கிப் போயிட்டாங்க. அதுனால என்ன நடந்துச்சுன்னு நான் பார்க்கலை....

அப்புறம் என்ன அதிர்ச்சின்னு கேக்குறீங்களா??? அதுக்கு கொஞ்சம் முன்கதை விளக்கம் சொல்லணும். நானும் சரி, தங்கமணியும் சரி ஊட்டிக்கு போறது இதுதான் முதல்முறை. மேட்டுப்பாளையத்திலிருந்து ஊட்டிக்கு எப்படி போறதுன்னு தெரியாது. நாலு படிச்சவங்ககிட்ட கேட்டதில மேட்டுப்பாளையத்திலிருந்து ஊட்டி மலை ரயில் வழியாவோ இல்லைன்னா பேருந்து புடிச்சு போயிடலாமுன்னு சொன்னாங்க....

சரி ஏதோ படிச்சவங்க சொல்லுறாங்க கேட்டுகிடுவோமுன்னு நினைச்சு வந்தேன். அவங்க கொடுத்த பில்டப்பு பாத்து மேட்டுப்பாளையம் ஸ்டேஷன் ரொம்ப பெரிசா இருக்குமுன்னு நினைச்சிட்டு இருந்தேன்.

ஆனா மே.பா.-வில் இறங்கி பார்த்தா.... ஒர்ரே ஒரு ப்ளாட்பார்ம் அதுதான் ஸ்டேஷன். அதுதான் ரொம்ப அதிர்ச்சியாயிடுச்சு.

அப்புறம் அங்க இருந்த உணவகத்தில் ஒரு காபியைக் குடிச்சுட்டு இருக்கும் போது ஊட்டி மலை ரயில் புகை விட்டுக்கிட்டே வந்துச்சு. பார்க்க சூப்பரா இருந்துச்சு. சரி அதுலயே போயிறலாமுன்னு டிக்கெட் எடுக்கலாமுன்னு பார்த்தா அதுக்கு ஒரு பெரிய வரிசை நின்னுட்டு இருந்துச்சு. ஆத்தாடி இதுல நின்னு டிக்கெட் எடுக்கறதுக்குள்ள வண்டியே போயிரும் போலருக்கேன்னு நினைச்சிட்டு இருக்கும்போது அங்க இருந்த இன்னொரு படிச்சவர் சொன்னாரு... இந்த வண்டி ஊட்டி போயிச் சேர 5 மணி நேரம் ஆகும். மழை வந்து பாதையில் ஏதாவது பிரச்சனை வந்தா இன்னும் கூட தாமதமாகுமுன்னு சொன்னாரு. ஆஹா நம்ம 3 வயசு வாண்டுவை வச்சுகிட்டு இதுல போறதுக்கு தோதுப்படாதுன்னு தங்கமணி அன்பா சொல்லிட்டாங்க...

தங்கமணி அன்பா சொன்னதுக்கு அப்பீல் உண்டா? உடனே சரின்னு சொல்லிட்டேன். ஆனா அடுத்தமுறை ஊட்டி வரும்போது கண்டிப்பா மலை ரயில்ல தான் போகணுமுன்னு சொல்லிட்டேன். உங்களுக்கு மலை ரயிலப் பத்தி தெரிஞ்சுக்கணுமுன்னா இங்க போயி பாருங்கப்பு

சரி பேருந்துநிலையத்துக்கு எப்படி போறதுன்னு அதே படிச்சவரைக் கேட்டா அவரு ரயில தாண்டி போகணுமுன்னு சொன்னாரு.. .ஆஹா ரயிலை எப்படிடா தாண்டுறதுன்னு யோசிச்சு (பழைய ஜோக்கு...சரி சரி.........) அப்புறம்தான் அந்த நடை மேம்பாலத்தை (அடடா......தமிழ்...தமிழ்........) பார்த்தேன். அதில் ஏறப்போகும் போதே ஒரு நாலு அஞ்சு பேரு "சார் சார் டாக்ஸி வேணுமான்னு கேட்டாங்க"... அட ஊட்டிக்கு போக இப்படி ஒரு வழியிருக்கே... பேருந்துல போக வேணாமேன்னு நினைச்சேன். ஆனா தங்கமணி moneyயை காரணம் காட்டி வேணாமுன்னு சொல்லுவாங்களேன்னு நினைச்சப்போ......தங்கமணியே மிக மிக அன்பா... "குழந்தையையும்... பயணச்சாமான்களையும் வெச்சுக்கிட்டு பேருந்துல போறது ரொம்ப கஷ்டமாயிருக்குமுன்னு நினைக்கிறேன். நம்ம டாக்ஸியில போயிறலாமா"-ன்னு கேட்டாங்க... ஆஹான்னு உடனே சரின்னு சொல்லியாச்சு.

சரின்னு ஒரு டிரைவர் கிட்டே பேரம் பேசி முடிச்சு அவரு வண்டியிலயே போயிறலாமுன்னு ஏறியாச்சு..

இங்க இந்த டிரைவரைப் பற்றி சொல்லணும். உண்மையிலேயே இவர் கிடைத்தது எங்க அதிர்ஷ்டமுன்னுதான் சொல்லணும். நியாயமான வாடகை. நல்ல உபசரிப்பு...அழகான கொங்குத் தமிழ்....நிறைய உதவி... இப்படி ஒரு டிரைவரைப் பார்ப்பது அபூர்வம்... அவரு பேரு சரவணக்குமார். நீங்க ஊட்டி போனீங்கன்னா நம்பி அவரு வண்டியில ஏறலாம். மேலும் தொடர்பு கொள்ளும் விவரங்களுக்கு எனக்கு ஒரு மின்னஞ்சல் தட்டி விடுங்க.....

குன்னூரு வழியா சரவணன் எங்களை ஊட்டிக்கு கூட்டிப்போனாரு. போற வழியில் நிறைய இடங்களில் நிறுத்தி அதைப் பத்தி விளக்கினாரு......அவரே இருக்குப்போற மூணு நாளையும் என்ன என்ன இடத்துக்கு போகலாமுன்னு சொன்னாரு. எங்க முதலில் எங்க இரண்டாவ்துன்னு அவரே ஒரு திட்டமும் சொன்னாரு. நான் விருப்பப்பட்டா அவரே எல்லா இடத்துக்கும் கூட்டிட்டு போறதா சொன்னாரு. வாடகை விவரமும் சொன்னாரு. ஆனா நான் ஏற்கனவே தங்குமிடத்தில் சொல்லி வைத்திருந்தேன். உடனே தங்குமிடப் பொறுப்பாளருக்கு தொலைபேசி... பயண திட்டத்தை சொல்லி, அதுக்கு வண்டி வாடகை விவரம் கேட்டேன். ஆனா அவரு சொன்னது ரொம்ப ரொம்ப அதிகமா இருந்தது. அதனால சரவணன் வண்டியே எடுத்துக்கலாமுன்னு முடிவு செஞ்சு சரவணன்கிட்டே ஓ.கே சொல்லியாச்சு.

நான் வேலை செய்யும் கம்பெனியின் விருந்தினர் மாளிகையில் தான் தங்குவதுக்கு ஏற்பாடு செஞ்சு வெச்சிருந்தேன். சரவணன் 8:30 மணிக்கு அங்கே கொண்டு போய் சேத்துட்டாரு...அவரு சொன்ன திட்டத்தின்படி, அன்னிக்கே தொட்டபெட்டாவும், கொடநாடும் (ஆமா ஆமா அதே கொடநாடுதான்...) போகணும். சரின்னு விருந்தினர் மாளிகையிலுள்ள சமையல்காரரை காலை உணவு தயாரிக்க சொல்லிவிட்டு நாங்கள் அறைக்கு சென்று குளித்து முடித்து உணவுக்காக காத்துக் கொண்டிருந்தோம்..

உணவு தயாரானதும் வந்து சாப்பிடும்போது...பொறுப்பாளர் விக்ரம் இரவு உணவு தேவையான்னு கேட்டாரு. என்னாடா இப்போவே கேக்குறாங்கன்னு விசாரிச்சா... இரவு உணவு, அடுத்த நாள் பகல் உணவு எல்லாம் வேணுமான்னு முதநாளே சொல்லிடணுமாம். ஏன்னா இந்த இடம் ஊருக்கு வெளியே இருக்கு. நாம சொல்லுறது வெச்சுத்தான் அவங்க போய் பொருட்கள் வாங்கிட்டு வந்து உணவு தயாரிக்கணும். சக ஊழியர்கள் இங்கு கிடைக்கும் உணவு பற்றி ரொம்ப புகழ்ந்து சொல்லியிருந்ததால உணவு வேணுமுன்னு சொல்லியாச்சு

சரவணனும் சொன்னா மாதிரி வந்துட்டாரு. இனிமே என்னா... நேரா தொட்டபெட்டாதான்.....

அடுத்த பகுதியில போயிரலாம்.

இப்போ நாங்க தங்கிய விருந்தினர் மாளிகையையும், அதைச் சுற்றி இருந்த இடங்களையும் எனது மூன்றாவது கண்ணால் சுட்டதை பாருங்க......

இங்கே இருக்கும் ரெண்டு வித்யாசமான செடியை அங்குதான் முதலில் பார்த்தேன். இலைகளே பூக்கள் வடிவில் சூப்பரா இருந்துச்சு...
இது இன்னொன்னு

அங்கிருந்த மேலும் சில பூக்கள்

(தொடரும்............)

ஊட்டி மலைச் சாரலிலே.....

2008-07-24T10:38:00.005+05:30

"சார் மேட்டுப்பாளையம்......" ரயில்வே ஊழியர் வந்து எழுப்பும்போது மணி பார்த்தேன்.... காலை 5:45...என்னங்க.... 45 நிமிடம் முன்னாடி கோயமுத்தூர்ல கேட்டபோது இன்னும் ஒரு மணி நேரமாகும்முன்னு சொன்னீங்களேன்னு கேட்டா.... சிரிச்சுகிட்டே டிரைவர் வேகமா ஓட்டிட்டு வந்துட்டார் சார்-ன்னு சொல்லுறார்..... எல்லாம் நேரம்.....

முதல்நாள் இரவு சென்னை சென்ட்ரலில் வண்டி கிளம்பினதே அரை மணி நேரம் தாமதம்....3ம் வகுப்பு ஏசியில் எங்க சீட் இருந்த ஜன்னலில் இருந்த கண்ணாடி மட்டும் கருப்பா வெளியில் இருப்பது எதுவுமே தெரியாத மாதிரி இருந்தது. என் மகனுக்கு ரயில் ரொம்ப பிடிக்கும்... கண்ணாடி வழியா எதுவுமே தெரியாததனால ஒரே அழுகை...அப்புறம் ராத்திரியானதுனாலதான் எதுவுமே தெரியலைன்னு சொல்லி சமாளிச்சேன்... ஒரு மில்கிபார்கூட அழுகையை நிறுத்த உதவியது.....

என் இருக்கைக்கு பக்கத்தில் இருந்த side berth-ல் (இதுக்கு தமிழில் என்ன??) ஒரு ஜோடி வந்து உட்கார்ந்தது.... ரெண்டு பேரும் RAC. TTR இந்த ஒரு இடத்தை குடுத்துட்டு போயிட்டார்... ரொம்ப நேரம் ஒரே பேச்சும் சிரிப்புமா இருந்தது. இதை பார்த்துக்கிட்டு இருந்தபோது ஒரு இடி.. வேற யாரு தங்கமணிதான்....என்ன வேடிக்கை வேண்டிகிடக்கு... பையன் தூங்கணும் லைட்டை அணைச்சுட்டு படுங்கன்னு ரொம்ப அன்பா சொன்னாங்க.... இல்லை இந்த பக்கம் கண்ணாடி சரியா தெரியலையில்ல அதுதான் அந்தப் பக்க கண்ணாடியப் பார்த்துக்கிட்டு இருந்தேன்ன்னு சொன்னேன்.. வழக்கம்போல தங்கமணி அதை நம்பினா மாதிரி தெரியலை... சரி அதுக்கு மேல தங்கமணிய பொங்க விட வேணாமுன்னு அந்த ஜோடிகிட்ட சொல்லி லைட்டை அணைச்சுட்டு படுத்தாச்சு..

ஆனா அங்க பேச்சு ஓயவேயில்லை.... மெதுவான குரலில் ஏதோ பேசிட்டே இருந்தது அந்த ஜோடி.... கிளு கிளுன்னு சிரிப்பு வேற...சரின்னு நான் ipod எடுத்து பாட்டு கேட்க தொடங்கிட்டேன்....அப்படியே தூங்கியாச்சு.....

ஏதோ ஒரு ஊரில் வண்டி நின்னவுடன் முழிப்பு வந்தது.. வண்டி அங்கிருந்து கிளம்பினவுடனே... பார்த்தா.. ஜோடில பொண்ணு மட்டும் படுத்து தூங்கிட்டு இருந்தது.,.. பையனக் காணோம். அப்புறம் தான் பார்த்தேன், அந்த பையன் வெளியில் நின்னு புகை விட்டுகிட்டிருந்தான்... சரி நமக்கெதுக்குன்னு வந்த வேலைய பார்த்துட்டு திரும்பி வந்து படுத்தா... கொஞ்ச நேரத்துக்கெல்லாம் கசமுசன்னு ஒரே சத்தம்... படுத்தபடியே என்னன்னு காது குடுத்து கேட்டா (no no never....ஒட்டுக்கேக்கலை....) பொண்ணுக்கு பையன் தம்மடிச்சது தெரிஞ்சு போச்சு... எப்படி என்கிட்ட நிறுத்துறேன்னு சத்தியம் பண்ணிட்டு எனக்கு தெரியாம தம்மடிச்சன்னு பொண்ணுக்கு கோவம்.. பையன் கெஞ்சறான்... கொஞ்சறான்... அந்த பொண்ணு எதுக்கு மசியலை..எனக்கு ரொம்ப தூக்கம் வந்ததால மறுபடியும் தூங்கிபோயிட்டேன்....

கோயமுத்தூர் வந்தவுடனே ரயில்வே ஊழியர் சார்ட் வச்சு சரிபார்த்து அங்க இறங்க வேண்டியவர்களை எழுப்பினார்.... லைட் எல்லாம் போட்டதால் என் தூக்கம் கெட்டது... கோயமுத்தூரில் வண்டி 30 நிமிடம் நிற்குமுன்னு அவர் சொன்னதுனால வண்டியை விட்டு கீழே இறங்கி நின்னுட்டிருந்தேன்... அங்க ஒரு தள்ளு வண்டி இருந்தது... அதுல உட்கார்ந்து அந்த பையன் மறுபடியும் தம்மடிச்சிட்டு இருந்தான்.. ஆஹா இவன் சரியான கில்லாடியா இருப்பான் போலிருக்கேன்னு நினைச்சேன்..... ஒரு பத்து நிமிடம் ஆன பிறகு அந்த பொண்ணு வந்தது... .sanjay what are you doing here..... ன்னு கேட்டது.. அவன் கூலா சொல்றான் i just came out for a tea honey... the tea is good here would you like to try.............சூப்பரப்பு. சரியான தில்லாலங்கடி....

கோயமுத்தூரில் இருந்து கிளம்பும் போது கேட்டப்போதான் ரயில்வே ஊழியர் மேட்டுப்பாளையம் போக இன்னும் ஒரு மணி நேரம் ஆகுமுன்னு சொன்னாரு... அவரை நம்பி மறுபடியும் தூங்கப் போனா 45 நிமிடத்திலேயே எழுப்பி வந்து சேந்தாச்சுன்னு சொல்லுறாரு...

பக்கத்தில் தூங்கிட்டு இருந்த தங்கமணியையும் பையனையும் எழுப்பி, சாமான்களையெல்லாம் எடுத்துக்கிட்டு இறங்கினா... எனக்கு ஒரே அதிர்ச்சி.....

அது என்னான்னு அடுத்த பகுதியில் பார்க்கலாம்...

- தொடரும்................

மறுபடியும்.....

2008-07-16T16:48:00.006+05:30

நான் முதலில் பதிவு எழுதத் தொடங்கியது 2004ம் ஆண்டு நவம்பரில்தான். எனக்கு பதிவுகளின் அறிமுகம் அப்போது தான் கிடைத்தது. ஆனால் அப்போது எழுதுவதை விட படிப்பதில் தான் நாட்டம் அதிகம் இருந்தது. அப்போது தொடங்கி எல்லா பதிவர்களின் பதிவுகளையும் விடாமல் படித்து வந்தேன்....

மறுபடியும் 2007 ஜனவரியில் தான் நானும் எழுதவேண்டும் என்ற ஆர்வம் வந்தது....என்ன எழுதுவதென்று தெரியவில்லை. ஏதோ படித்த செய்திகளை வைத்து பதிவுகள் என்ற பெயரில் ஏதோ எழுதி வந்தேன். பின் நான் சென்று வந்த பயணங்களைப் பற்றி எழுதினேன்... தொடர்ந்து 2007 மே மாதம் வரை எழுதி வந்தேன்.

2007 ஜூலை மாதத்தில் சில சொந்த பிரச்சனைகள் காரணமாக எழுத நேரம் ஒதுக்க முடியவில்லை. 2007 செப்டம்பரில் புதிய வேலையில் சேர்ந்தேன்... புதிய இடம், புதிய சூழல், வேலைப் பளுவும் பொறுப்புகளும் நாளுக்கு நாள் அதிகரிக்கும் சூழ்நிலை...அப்போது தொடங்கி பதிவுகள் படிக்ககூட என்னால் நேரம் ஒதுக்க முடியவில்லை....

மறுபடியும்....இப்போது எழுத வேண்டும் என்ற ஆர்வம் வந்திருக்கிறது. இதற்கு முக்கிய காரணம் நண்பர்களின் வற்புறுத்தல்தான். என்னால் முடிந்த அளவு நேரம் ஒதுக்கி பதிவிட முயற்சிப்பேன்.....

மறுபடியும், "மறுபடியும்...." என்ற பதிவு எழுதாமல் இருக்க முயற்சிக்கிறேன்.

disc : மேலே இருக்கும் படம் நான் எடுத்ததுதான். ஊட்டியில். இதனால் என்ன தெரியுது? நான் அடுத்ததா ஊட்டி பயணத்தைதான் எழுதப்போறேன்.....

மெரீனா - பழனி

2008-02-22T16:37:00.005+05:30

மெரீனா
பழனி

மனம் விரும்புதே

2008-01-23T10:08:00.000+05:30

நீங்க "நேருக்கு நேர்" படத்திலிருந்து "மனம் விரும்புதே" பாட்டு கேட்டிருப்பீங்க.. எனக்கும் அது வெளி வந்த காலத்தில் ரொம்ப பிடிச்ச பாட்டு. ரொம்ப நாளுக்கு பிறகு அந்த பாடலை நேற்று கேட்டேன். எனக்கு என் நண்பன் ரவியின் நினைவுதான் வந்தது.

ரவி என்னோட திருச்சியில் படித்தான். எங்க காலேஜ் திருச்சியில் இருந்தது. என் வீடு இருந்தது ஸ்ரீரங்கம். ( பாத்தீங்களா.... நானும் நம்ம சுஜாதா மாதிரிதான். அதுக்காக இதை நீங்க ஸ்ரீரங்கத்து தேவதைகளோட ஒப்பிட வேணாம். )

ரவி வீடும் என் வீடும் ஒரே தெருவில் தான் இருந்தது. நாங்க கல்லூரியிலும் சேர்ந்துதான் படிச்சோம். ரெண்டு பேரும் ஒன்னாதான் காலேஜுக்கு போய்வருவோம். இதனாலேயே நாங்க ரொம்ப நெருங்கிய நண்பர்களாயிட்டோம். ரவி ரொம்ப அப்பாவி. நான் என்ன சொன்னாலும் நம்பிடுவான். ஏன்னு தெரியலை, ஆனா நான் பொய்யே சொல்லமாட்டேன்னு என் மேல் அவனுக்கு அபார நம்பிக்கை. அது உண்மைதான். (சரி சரி ... சிரிக்க வேணாம்............) ஆனா எனக்கு அவனிடம் சின்ன சின்ன பொய் சொல்லி விளையாடறது ரொம்ப பிடிக்கும்.

அது நேருக்கு நேர் வெளிவந்த காலகட்டம். மனம் விரும்புதே உன்னை பாடல், பாட்டுக்காகவும்

சிம்ரனுக்காகவும் சக்கை போடு போட்டுகொண்டிருந்தது. ரவிக்கும் இந்த பாடல் பிடிக்கும். ஒரு நாள் நாங்க காலேஜ் போயிட்டிருக்கும்போது பஸ்ஸில் இந்த பாடல் ஒலித்தது. அப்போ நான் ரவி கிட்ட "ரவி இந்த பாட்டு நான் எழுதினது தான்" னு சொன்னேன். சென்னையில் இருக்கும் என் மாமா தேவாவின் நண்பர். என் மாமா நான் எழுதின கவிதையெல்லாம் தேவா கிட்ட காட்டியிருக்காரு. அது அவருக்கு ரொம்ப பிடிச்சு போச்சு. உடனே எனக்கு என் மாமா எனக்கு போன் செய்தார். போனிலேயே நான் இந்த பாடலை சொல்ல தேவா அதை இந்த படத்தில் உபயோகிச்சிருக்காரு-ன்னு சொன்னேன். அவனும் அதை ரொம்ப நாள் நம்பிட்டு இருந்தான்.

கொஞ்ச நாளுக்கு பிறகு என் சென்னை மாமா எங்க வீட்டுக்கு வந்திருந்தார். அப்போ ரவியும் எங்க வீட்டுக்கு வந்தான். எங்க வீட்டில் எல்லாருக்கும் ரவியை தெரியும் என்பதால், என் மாமாவும் ரவியும் பேசிகிட்டு இருந்தாங்க. அப்போதான் என் குட்டு உடைஞ்சது. ஆனாலும் ரவி என்னை எதுவுமே கேட்கவில்லை. அதன் பின் நானே அவனிடம் மன்னிப்பு கேட்டேன். அவன் "விளையாட்டுக்குத்தானேடா நீ அப்படி சொன்ன. அதுக்கு எதுக்கு மன்னிப்பு" ன்னு சொன்னான்.

எனக்கு இந்த பாடலை கேட்கும்போதெல்லாம் ரவி நினைவுதான் வரும்.

எனக்கு கிடைத்த மிகச் சிறந்த நண்பர்களில் ரவியும் ஒருவன்.

குறிப்பு : எனக்கு "மனம் விரும்புதே உன்னை" பாட்டின் மூலமான "மனவியாலகிம் " என்ற தியாகராஜருடைய கீர்த்தனை ரொம்ப பிடிக்கும்.

கொஞ்சம் சீரியஸ்…..கொஞ்சம் காமெடி

2007-12-28T15:29:00.000+05:30

நேற்று மாலை பேநசீர் புட்டோ சுட்டுக் கொல்லப்பட்டார். இது எல்லாருக்கும் தெரியும். ஆனா 5:30 மணிக்கு காரில் ஏறும்போது அவர் நினைத்திருப்பாரா இன்னும் 5 நிமிடத்தில் இற்க்கப்போவதை. சிரித்துக் கோண்டே அவர் படியில் இறங்கி வருவதை பார்க்கும் போது மனசுக்குக் நொன்ப கஷ்டமாக இருந்தது. என்ன பண்றது, மனுஷனோட வாழ்க்கை இப்படித்தானே இருக்கு. எப்போ என்ன நடக்குமுன்ண்னு யாருக்கும் தெரியாது. இது ஒரு வகையில நல்லதுன்னும் நினைக்கிறேன். ஒருவேளை தெரிஞ்சா வாழ்க்கை சுவையா இருக்காதுன்னு தோணுது. ரஜினி சொன்ன மாதிரி சாகற நாள் தெரிஞ்சா வாழற நாள் நரகமாயிடும்.

சரி சீரியஸ் விஷயம் போதும். காமெடிக்கு வருவோம். சமீபத்தில் ஒரு பத்திரிகையில் படிச்சேன். படிச்சதும் எனக்கு சிரிப்புதான் வந்தது. என்ன தெரியுமா, நிலாவில் நிலம் வாங்கறதுதான். (நிலவில் நிலம்... கவிதையா இருக்கே... இதையே தலைப்பா வெச்சிருக்கலாமோ?)

இப்போ அமெரிக்காவில் இது ரொம்ப தீவிரமா நடக்குதாம். இணையத்தில் தேடிப் பார்த்தபோது இது ரொம்ப காலமா நடக்குறது தெரிய வந்தது. ஒரு ஏக்கர் $25 தான். சென்னையில் நிலம் வாங்குவதை விட ரொம்ப ரொம்ப மலிவு. நீங்க நிலம் வாங்கினா, அதுக்கான பட்டா, உங்க நிலத்தோட போட்டோ எல்லாம் தராங்களாம்.

இந்த இணையதளம்தான் அதிகார பூர்வ விற்பனையாளராம்.

யாரு இவங்களுக்கு அதிகாரம் குடுத்ததுன்னுதான் தெரியலை. நமக்கு சொந்தமான இடத்தைத் தானே நாம விற்க முடியும். இவங்க நிலாவில் இருக்கும் இடத்தை விற்கிறாங்களே.. அப்படின்னா மொத்த நிலாவும் இவங்களுக்கு சொந்தமாயிடுச்சா? அப்படின்னா இவங்களுக்கு யாரு நிலாவை வித்தது? இவங்களை மாதிரியே இன்னும் நிறைய பேரு விக்கிறாங்களே...அவங்களுக்கும் அதே நிலா சொந்தமா? எனக்கு எதுவும் புரியலை சாமி.

பேசுகிறேன் பேசுகிறேன்

2007-12-21T12:44:00.000+05:30

பேசுகிறேன் பேசுகிறேன்

உன் இதயம் பேசுகிறேன்

புயல் அடித்தால் கலங்காதே -

நான் பூக்கள் நீட்டுகிறேன்

எதை நீ தொலைத்தாலும் மனதைத் தொலைக்காதே

அடங்காமலே அலைபாய்வதே மனமல்லவா....

கடல் தாண்டும் பறவைக்கெல்லாம்

இளைப்பாற மரங்கள் இல்லை

கலங்காமலே கண்டம் தாண்டுமே.. ஓஹோ

முற்றுப்புள்ளி அருகில் நீயும்

மீண்டும் சின்னப் புள்ளிகள் வைத்தால்

முடிவென்பதும் ஆரம்பமே....

வளைவில்லாமல் மலை கிடையாது

வலியில்லாமல் மனம் கிடையாது

வருந்தாதே வா.....

அடங்காமலே அலைபாய்வதே மனமல்லவா..

காட்டில் உள்ள செடிகளுக்கெல்லாம்

தண்ணீர் ஊற்ற ஆளே இல்லை

தன்னைக் காக்கவே தானாய் வளருமே

பெண்கள் நெஞ்சில் பாரம் எல்லாம்

பெண்ணே கொஞ்ச நேரம்தானே

உன்னைத் தோண்டினால்

இன்பம் தோன்றுமே

விடியாமல்தான் ஓர் இரவேது

வடியாமல்தான் வெள்ளம் கிடையாது

வருந்தாதே வா...

அடங்காமலே அலைபாய்வதே மனமல்லவா..

படம் : சத்தம் போடாதே

பாடல் : நா. முத்துக்குமார்

இசை : யுவன் சங்கர் ராஜா

பாடியவர் : நேஹா பேசின்

சமீபமாக வந்த பாடல்களில் எனக்கு பிடித்தவற்றை உங்களோட பகிர்ந்துக்கலாமுன்னு நினைச்சேன். அதன் முதல் படி தான் இது. இந்த பாடலின் வரிகளுக்காகவே என்னைக் கவர்ந்த பாடல் இது..

பாட்டைக் கேட்க இங்க போகலாம்...

புகைப்படம் : http://outdoors.webshots.com/photo/2272177600087250223wWnUDC

India Day நிசமா??

2007-08-14T17:47:00.000+05:30

இது எனக்கு இப்போதான் email-ல் வந்தது....வாஷிங்டனில் ஆகஸ்ட் 15ம் தேதியை இந்தியா நாள் (India Day)ன்னு அறிவிச்சிருக்காங்களாம். அதுக்கான வாஷிங்டன் மாகாண கவர்னரின் உத்தரவு இதுதானாம்.... நிசமான்னு தெரியலை.... தெரிஞ்சவங்க சொன்னா சந்தோஷமா இருக்கும்.... உண்மையா இருந்தால் ரொம்ப சந்தோஷம்.

வைரம் வைரம்

2007-08-14T16:47:00.000+05:30

என்னோட கோடானு கோடி வாசகர்களுக்கு (!!!) (சரி சரி....இதெல்லாம் கண்டுக்காதீங்க :-))

இந்தியன் என்று சொல்லடா.... தலை நிமிர்ந்து நில்லடா.....

இது சுதந்திர தின வைர விழா......

சக இந்தியர் அனைவருக்கும்

இனிய சுதந்திர தின

வைர விழா வாழ்த்துக்கள்

ஙே !!!!!!!!

2007-07-18T13:50:00.000+05:30

ஆமாங்க நான் இதைப் பார்த்த போது அப்படித்தான் முழிச்சேன்.

இந்த படத்தைப் பாருங்க...

Keyboard failiure.....

Strike F1 to continue, F2 to run setup utility.

என்ன சொல்லுறதுன்னே தெரியலை போங்க.... அதுதான் Keyboard failiure-ஆ இருக்கே... அப்புறம் எப்படி F1 / F2 தட்ட முடியும்?

Microsoft Rocks.......... chanceless...........

பி.கு : ஆமா இந்த படத்தை புகைப்பட போட்டிக்கு அனுப்பலாமோ????

உணர்வுகளை உங்களோடு பகிர்ந்துகொள்ள ஒரு நிமிடம் please

2007-07-04T12:11:00.000+05:30

நீங்கள் சென்னையைச் சேர்ந்தவரா? உங்களுக்கு Computer realated services தேவைப்படுகிறதா? இதை ஒருநிமிஷம் படியுங்கள்....

நமது வெற்றிக்கு பின்னால் பலர் இருந்திருக்கிறார்கள்
சிலரது உயர்விற்காவது நாம் உதவியாய் இருப்போம்"

எட்டி 8டி பார்க்கிறேன்..எட்டுக்குள் நான்

2007-06-26T12:47:00.000+05:30

எட்டுக்குள்ள நானும் இருக்கேன்....

அழைத்த சிவாக்கு நன்றி. என்னையும் ஒரு ஆளா மதிச்சு நீங்க கூப்பிட்டுருக்கறத நெனைச்சா புல்லரிக்குது.

ஆனா என்னைப் பத்தி பெருமையா சொல்லிக்கிற மாதிரி எட்டு விஷயம் எழுதறது எவ்வளவு கஷ்டமுன்னு எழுத தொடங்கியதும்தான் தெரியுது.
நம்மள பத்தி சொல்லிக்கிற மாதிரி எட்டு விஷயம் திரட்ட இன்னும் எட்டு வருஷம் ஆகும் போலிருக்கு... அப்புறம் மத்தவங்க எட்டு போட்டதை பார்த்து, சரி பெருமையான விஷயம்னு இல்லாம நம்மளை பத்தி எட்டு விஷயம் சொன்னாப் போதுமுன்னு நினைச்சு இந்த பதிவை எழுதுறேன். இதுக்கு முன்னாடி நான் இந்த மாதிரி சங்கிலி தொடர் விளையாட்டில் பங்கேற்றதில்லை. அதுனால, பதிவில் பிழையிருந்த நீங்க கொஞ்சம் கண்டுகிறாதீங்க... திரனா திரனா தன தன்னானே..... ஆஹா பாத்தீங்களா பதிவு எழுதிட்டிருக்கும்போதே பருத்தி வீரன் பாட்டுக்கு தாவிட்டேன். இதுதாங்க என்னைப் பத்தின முதல் விஷயம்.

இசையில்லாமல் நானில்லை. அது இதுன்னு குறிப்பிட்டு இல்லாம எல்லா விதமான இசையும் கேட்பேன். நான் என்ன வேலை செஞ்சுகிட்டு இருந்தாலும் பக்கத்தில இசை ஒலிச்சுக்கிட்டே இருக்கணும். இல்லாட்டி எனக்கு என்னவோ கையில்லாதது போல இருக்கும். கொஞ்சம் சுமாரா நல்லாவே பாடுவேன். பள்ளி நாட்களில் இருந்து தொடங்கி, கல்லூரி நாட்களிலும் பல விதமான பாட்டு போட்டிகளிலும் பங்கேற்று, எல்லாவற்றிலும் ஏதாவது ஒரு பரிசு கண்டிப்பா வாங்கிடுவேன். பின்னர் முதுகலை படிக்கும் போது கர்நாடக சங்கீதத்தின் மீது பயங்கர ஆர்வம் வந்து அதை முறைப்படி கற்றுக் கொண்டேன். இப்போ ஓரளவுக்கு கர்நாடக சங்கீதமும் தெரியும். ஆணி பிடுங்க தொடங்கியதில் இருந்து, கற்றுக் கொள்வது தடை பட்டாலும், இசை ஆர்வம் இன்னும் குறையவில்லை. என் மகனுக்கும் இசை ஆர்வம் இருக்கும் போல் தெரிகிறது சந்தோஷமா இருக்கு.

அடுத்தது படிக்கும் ஆர்வம். எப்போ பார்த்தாலும் ஏதாவது படிச்சுகிட்டே இருப்பேன். சாப்பிடும் போதும் கூட. ஆங்கில தமிழ் நாவல்கள் எல்லாம் படிப்பேன். குமுதம், விகடன் எல்லாம் படிப்பேன். அனேகமாக எல்லா வாரப் பத்திரிக்கைகளும் எங்கள் வீட்டில் இருக்கும். எல்லாவற்றையும் படிப்பேன். படிக்க புதிதாக எதுவும் இல்லைன்னா ஏற்கனவே படிச்ச புத்தகம் ஏதாவது எடுத்து மறுபடி படிப்பேன். (இது weird list-ல் இருக்கணுமோ?) மாசம் கணிசமான தொகை புத்தகங்களுக்குனே ஒதுக்கி வெச்சுடுவேன்.

இப்போ எழுத்தில் ஆர்வம் ஏற்பட்டிருக்கு. அதுதான் இந்த பதிவு எல்லாம். என் பதிவுகளை படிச்சுட்டு துளசி டீச்சர் நல்லா எழுத வந்திருச்சுன்னு சொன்னதை கண்டிப்பா பெருமையா நினைக்கிறேன். (அவங்க சும்மா ஒரு ஆறுதலுக்கு சொல்லியிருந்தாலும்.......). அதுமட்டும் இல்லாம என் பதிவுகளை தொடர்ந்து படித்து என்னை உற்சாகப் படுத்தும் என் நண்பர்கள், குறிப்பா சீதா. இவங்களால்தான் நான் இன்னும் தொடர்ந்து பதிவு எழுதிக்கொண்டிருக்கிறேன். ( இது முன்னாடியே தெரிஞ்சிருந்தா அவங்க பாராட்டியிருக்க மாட்டாங்கன்னு நினைக்கிறேன்)

இது மட்டும் இல்லாமல் நான் வேலை பார்த்த ஒரு நிறுவனத்தில் நான் எழுதிய ஒரு ஆராய்ச்சிக் கட்டுரை (on unified Messaging) பாராட்டப் பட்டு மிகச்சிறந்ததாகவும் தேர்ந்தெடுக்கப்பட்டு பரிசு வழங்கப்பட்டது. அது சிங்கப்பூர் அரசாங்க நிறுவனத்துக்காக தயாரிக்கப் பட்டதால், சிங்கப்பூர் அரசாங்கமும் பாராட்டு சான்றிதழ் வழங்கி, அது நாளிதழிலும் வெளியானது.

கல்லூரியில் இளங்கலை படிக்கும்போது ஒரு கலைக்குழு துவக்கியது. அந்த ஊரில் ஆணும் பெண்ணும் பேசுவதே அபூர்வமாக இருந்த நேரத்தில், மாணவிகளை மிகுந்த சிரமப்பட்டு கலைக்குழுவில் சேர்த்து, பல பல்கலைக்கழக போட்டிகளுக்கும் கல்லூரியின் சார்பில் எங்கள் கலைக்குழு சென்று வெற்றிகள் பெற்றது. கலைக்குழு துவங்கியபோது, அதை "கடலை"க்குழு என்று கேலி செய்தவர்கள் பலர். ஆனால் அவர்களே பின்னால் அதற்காக வருத்தம் தெரிவித்தது.

எனக்கு நியாயம் என்று பட்டதை தயங்காமல் எல்லா இடத்திலும் சொல்லுவேன். இது எனக்கு பல இடைஞ்சல்களைத் தந்தாலும் இன்று வரை நான் இதிலிருந்து மாறவில்லை. இதையும் பெருமையாக நினைக்கிறேன்.

என்னைப் பற்றி யாராவது தவறாகப் புரிந்து கொண்டால், கண்டிப்பாக அவருக்கு நான் என் தரப்பு நியாயத்த்தை விளக்குவேன். அவர் தரப்பு நியாயத்தையும் புரிந்து கொள்ள முயற்சிப்பேன். இதனால் பெரும்பாலும் பிரச்சனைகள் சுலபமாக தீர்ந்துவிடும். இதனால் பணியிடத்திலும் சரி, நண்பர்கள் வட்டத்திலும் அவர்கள் பிரச்சனையை என்னால் தீர்த்துவைக்க முடியும் என்ற நம்பிக்கையை உருவாக்கியது.

இது தவிர நான் எப்போதும் நினைத்து பெருமைப் படும் எனது நண்பர்கள், குடும்பம். இந்த இரண்டு விஷயத்திலும் நான் ரொம்ப அதிர்ஷ்டசாலி.

அப்பாடி ஒருவழியா என்னைப் பத்தி 8 விஷ்யம் சொல்லிட்டேன். இப்போ நான் அழைக்கும் எட்டு பேர். (எட்டு ரொம்ப அதிகம்)

1. துளசி டீச்சர்.
2. குமரன்
3. ஜெஸிலா
4. மோகன் தாஸ்
5. தம்பி
6. அபி அப்பா
7. கொங்கு ராசா
8. வெட்டி

விளையாட்டின் விதிகள்:
1. ஆடுபவர் தன்னைப்பற்றிய 8 தகவல்களை எழுத வேண்டும், அதன் கீழ் இந்த விதிகளையும் எழுதவேண்டும்.

2. தொடர்ந்து எட்டுபேரை இந்த விளையாட்டிற்கு அழைக்க வேண்டும்; அவர்களுக்கு இந்த அழைப்பைப் பற்றி அறியத் தரவேண்டும்.

3. தொடர்பவர்(கள்) இதேபோல் எட்டு தகவல்களையும், விதிகளையும் எழுதி வேறு எட்டுபேரை அழைக்க வேண்டும்.

அர்ஜுனன் தவம்

2007-06-12T10:58:00.000+05:30

பல்லவர் பூமி -3

ஐந்து ரதங்கள் பார்த்து விட்டு அங்கிருந்து அர்ஜுனன் தவம் பார்க்க போனாம்.. ஒரு குன்றுக்கு பக்கத்தில இறக்கிவிட்டு மேல ஏற சொல்லிட்டாங்க.... நண்பகல் உச்சி வெயில் 12 மணிக்கு ஏறணுமுன்னு நினைக்கும் போதே சோம்பலாயிடுச்சு. இருந்தாலும் கூட வந்த வெளிநாட்டு அண்ணாத்தே பாக்கணுமுன்னு சொன்னதால, ஏற வேண்டியதாப் போச்சு......

மேலே ஏறும் பாதையை படத்தில் பாருங்க..... மரங்களுக்கு நடுவில் தெரிவது தான் பல்லவர் காலத்தின் கலங்கரை விளக்கம்.
மேல ஏறும் பாதையில் மகிஷாசுர மர்தினி சிற்பங்கள் இருக்கு... அதுக்கு மேல பல்லவர் காலத்தில் கட்டின கலங்கரை விளக்கமும், பின்னர் ஆங்கிலேயர் காலத்தில் கட்டின கலங்கரை விளக்கமும் இருந்தது... படத்தை பாருங்க.....

இதுதான் மகிஷாசுர மர்தினி சிற்பங்கள் இருக்கும் இடம்

இதுதான் பல்லவர் காலத்தில் கட்டப்பட்ட கலங்கரை விளக்கம்.... வெயில் அதிகம் இருந்ததால மேலே ஏறவில்லை.

இது ஆங்கிலேயரால் கட்டப்பட்ட கலங்கரை விளக்கம். ஆனால் இப்போ இதுவும் உபயோகத்தில் இல்லை.

இதைத் தாண்டி கீழே இறங்கும் வழி முழுவதும் சிற்பங்கள் நிறைய இருக்கு. ஒரு குன்று முழுவதும் சிற்பங்கள் செதுக்கி இருக்காங்கன்னா அந்த காலத்தில் சிற்பக்கலை எவ்வளவு சிறந்து விளங்கியிருக்க வேண்டும்... நினைச்சு பார்க்கவே ஆச்சரியமா இருக்கு... இப்பவும் கூட மாமல்லபுரத்தில் உளி சத்தம் கேட்டுக்கிட்டே இருக்கு.....

இதைப் பற்றி பேசிக்கிட்டே கீழே இறங்கினோம்.. அங்க ராயர் மண்டபம் இருக்கு. அதைப் பற்றி கேட்டால் மக்கள் உடனே சொல்லுவது தளபதி பற்றிதான்..... பல்லவர் காலத்து தளபதியில்லை........ நம்ம சூப்பர் ஸ்டார் நடிச்ச தளபதி படம்....... இங்கதான் ராக்கம்மா கையத்தட்டு பாட்டு எடுத்தாங்களாம்.... ஆஹா என்ன ஒரு சரித்திரப் புகழ் பெற்ற தலம்......................ராயர் பற்றி கேட்டா ரஜினி பத்தி சொல்லுறாங்க....என்னத்த சொல்ல....

பின்னர் கீழே கிருஷ்ணனின் வெண்ணை பந்து இருக்கு.... ஒரு பெரிய உருண்டையான பாறை... இன்னோரு பாறை மேல் எந்த பிடிப்பும் இல்லாம இருக்கு.... இதைத் தான் கிருஷ்ணரின் வெண்ணை உருண்டைன்னு சொல்லுறாங்க....

சரி அர்ஜுனன் தவமுன்னு சொன்னாங்களே அதைக் காணோமேன்னு கேட்டா வண்டி நிறுத்திய இடத்துக்கிட்டயே இருக்குன்னு சொன்னாங்க... வெளில வந்து பார்த்தா உண்மையிலேயே மலைச்சு போயிட்டேன்......அந்த பாறையின் பக்கம் முழுவதும் சிற்பங்கள் செதுக்கிருக்காங்க...... படங்களைப் பாருங்க...

இதுல அர்ஜுனனை தேடி இந்த படத்தில் தலைக்கு மேல் கையை வெச்சு தவம் பண்ணுபவர்தான் அர்ஜுனன்னு நினைச்சேன்....

அவர் இல்லை இந்த படத்தில் தவக்கோலத்தில் இருப்பவர்தான்னு சொன்னாங்க..... சரியான்னு தெரியலை... தெரிஞ்சவங்க சொல்லுங்க.....

(தொடரும்)

பல்லவர் பூமி - 1. மாமல்லபுரம் கடற்கரைக் கோவில்கள்
பல்லவர் பூமி-2 ஐந்து ரதங்கள்

பல்லவர் பூமி-2 ஐந்து ரதங்கள்

2007-05-31T12:23:00.000+05:30

ஐந்து ரதங்கள்...இவை காலத்தால் கடற்கரைக் கோவில்களுக்கு முந்தியவை என்றாலும் நன்றாகப் பராமரிக்கப்பட்டு இருக்கின்றன.... இதில் இருக்கும் ஒவ்வொரு ரதமும், வித விதமான கட்டிடக்கலையை பின்பற்றி கட்டப்பட்டிருக்கின்றன....படங்களைப் பாருங்கள்........

திரெளபதி ரதம்

திரெளபதி

அர்ஜுனன் ரதம்

பீமன் ரதம்

தர்மன் ரதம்

நகுல - சகாதேவ ரதம்
தகவல் பலகை
சிங்கம்
யானை
நந்தி... நானும் இதை தனியா படமெடுக்க ரொம்ப நேரம் காத்திருந்தேன். ஆனா மக்கள் விடலை. சரிபோகட்டுமுன்னு நந்தி முகத்தை மட்டும் எடுக்கலாம்னு முயற்சி பண்ணினேன். கரெக்டா இந்த வாண்டு குறுக்க வந்துட்டான். :(
மேலும் சில படங்கள்

தொடரும்.....

பல்லவர் பூமி - 1. மாமல்லபுரம் கடற்கரைக் கோவில்கள்

2007-05-23T12:56:00.000+05:30

சமீபத்தில் மாமல்லபுரமும் காஞ்சிபுரமும் போக சந்தர்ப்பம் கிடைத்தது. நல்ல இனிய அனுபவம். போன முறை மாதிரியில்லாம நிறைய படங்களும் எடுத்தேன். அப்புறம் எதுக்கு சும்மா இருக்கணும் பதிவு போடவேண்டியதுதானே.....இதோ முதல் பகுதி.

முதல்ல நான் போனது கடற்கரைக் கோவிலுக்கு. பேருதான் கோவிலே தவிர இப்போ இது கோவில் இல்லை. ஒரு புராதன சின்னமாதான் இருக்கு.

கோவிலுக்கும், ஐந்து ரதங்களுக்கும் டிக்கெட் வாங்கணும். நம்ம ஆட்களுக்கு ரூ.10. வெளிநாட்டினருக்கு USD 5 or ரூ.250. எங்களோட ஒரு வெளிநாட்டு அண்ணாத்தேயும் வந்திருந்தாரு. சரின்னு அவருக்கு 5 டாலர் கொடுத்தா வாங்க மாட்டேன்னுட்டாங்க... 250 தான் தரணுமாம். முதல்ல எனக்கு புரியலை. அப்புறம் வீட்டுக்கு வந்து இணையத்தில் பார்தப்போதான் புரிஞ்சது. 5 டாலர் இன்னிக்கு தேதிக்கு ரூ.203 தான். என்னத்த சொல்ல..... சரி கோவிலைப் பார்ப்போம்.

மாமல்லபுரத்தில் வித விதமான சிற்பக்கலைகள் இருக்கு. ஒரே கல்லில் செதுக்கப்பட்ட சிற்பங்கள், மலையைக் குடைந்து செதுக்கப்பட்ட சிற்பங்கள். இப்படி பல, இந்த கடற்கரைக் கோவில்களில் உள்ளவை பெரும்பாலும் ஒரே கல்லில் செதுக்கப்பட்ட சிற்பங்கள்

இங்க இருப்பது ரெண்டு கோவில்கள். படத்தில பார்த்தா ரெண்டு கோபுரங்கள் தெரியும். பெரிய கோபுரம் கடல் பார்த்து கிழக்கு நோக்கி இருக்கு.

இங்கே இருப்பது தாராலிங்கம் என்னும் லிங்கம். இது ஆந்திராவிலிருந்து கொண்டு வரப்பட்ட கடப்பா கல்லினால் ஆன பட்டைகளை வைத்து உருவாக்கப் பட்டது. இது 8 அடி உயரத்தில் இருந்ததாம். இப்போ மேல் பாகம் உடைந்து இருக்கு. ஏதோ ஒரு போரில் சிதைக்கப்பட்டதாக சொல்லுறாங்க... ..

இந்த கோவில் வரை கடல் இருந்திருக்கு. 1984-ல் இந்திய பிரதமர் உத்தரவின் படி ஒரு கல் சுவர் அமைத்து கடலை தடுத்து இருக்காங்க... படத்தில பாருங்க

இந்த கோவிலுக்கு பின்புறம் ஒரு பெருமாள் சன்னதி இருக்கு. பள்ளி கொண்ட பெருமாள். இவர் ஒரே கல்லினால் ஆனவர். இவருக்கு நேர் கோட்டில் வெளியே ஒரு சிங்கமும், பலியிடப்பட்ட மானின் சிற்பமும் இருக்கு. இவைகளும், பெருமாளும் ஒரே கல்லினால் ஆனதாம். அதாவது உள்ளே இருக்கும் பெருமாளை செதுக்கிய அதே கல், வெளியே வரை நீண்டிருக்கு, அதிலேயே சிங்கமும், மானும் இருக்கும் பீடம் செதுக்கப் பட்டு இருக்கு. கேக்கவே பிரமிப்பா இருக்கு. எவ்வளவு திட்டமிட்டு இதை செய்து இருக்கணும். அசாதாரணமான கற்பனை வளம். சிங்கமும், பலியிடப்பட்ட மானும் கீழே இருக்கு பாருங்க..

இதுக்கு பின்னால் சிறிய கோபுரத்தை உடைய சோமஸ்கந்தர் சன்னதி இருக்கு.அவரை கதவின் ஓட்டை வழியா படம் எடுத்தேன். குடும்பத்தோடு இருக்கார். இந்த சிறிய கோபுரம் கடப்பா கல்லினால் கட்டப்பட்டு இருக்கு. இதுக்கு முன்புறம் ஒரு மண்டபம் இருந்திருக்கு, இப்போ அதன் அடித்தளம் மட்டும் இருக்கு.

அது மட்டுமில்லாமல் ரெண்டு பளிங்கு தூண்களும் இருந்திருக்கு. இப்போ வெறும் அடிப்பகுதி மட்டும் தான் இருக்கு. படத்தைப் பாருங்க...

கோவிலைச் சுற்றி பெரிய மதில் சுவர் இருந்திருக்க வேண்டும், அதன் மேல் நந்திகள் அமைக்கப் பட்டிருக்க வேண்டும். இப்போ சில சிதைந்த நந்திகளை மட்டும் வெச்சிருக்காங்க...

கோவிலுக்கு வெளியே அகழ்வாராய்சி செய்யும்போது, இந்த இடத்தை கண்டு பிடிச்சிருக்காங்க.

இது ஆதிவராகர் சிலை. பன்றி முகம், யானை உடல், காளையின் கால்களைக் கொண்டது. பக்கத்திலேயே ஒரு தூணும், ஊற்றும் இருக்கு. இந்த ஊற்று தண்ணீர் சுவையாக இருக்குமாம்.

பல்லவர்காலத்தில இருந்த சிற்பக்கலை வளர்ச்சிக்கு இந்த கோவில் நல்ல சான்று. கடலுக்கு பக்கத்தில் இருப்பதால கொஞ்சம் சிதைஞ்சிருந்தாலும், நல்ல பாதுக்காப்பா பராமரிக்கிறாங்கன்னுதான் சொல்லணும். இதுமாதிரி 7 கோவில்கள் இருந்ததாகவும் இது 6வது கோவில். 5வது கோவிலின் அடித்தளம் சுனாமியினால் வெளியே வந்திருப்பதாகவும் சொன்னாங்க....

கோவில் வரலாறு சொல்லும் தகவல் பலகை

மேலும் சில படங்கள்

தொடரும்

திருவாதவூர், திருமோகூர்

2007-05-09T11:26:00.000+05:30

ம. ம. கோவில்கள் - 5 (நிறைவு பகுதி)

அழகர் கோவிலில் இருந்து கிளம்பி நாங்க போன அடுத்த கோவில் திருவாதவூர் கோவில். இந்த ஊரைப் பற்றி நீங்க கேள்விப்பட்டதுண்டா?

இது நம்ம மாணிக்கவாசகர் பிறந்த ஊர். அவருக்கு வாதவூரர்-ன்னு கூட ஒரு பேர் உண்டு. அவரு பிறந்து வளர்ந்ததெல்லாம் இந்த ஊரில்தான். பின்னர் அவர் மதுரை மன்னனிடம் அமைச்சராக இருந்தார். குதிரை வாங்க போனபோது, அந்த பணத்தையெல்லாம் திருப்பெருந்துறைக் கோவிலுக்கு செலவழித்தார். அரசர் கேட்டபோது குதிரை வாங்கியதாகச் சொன்னார், அவருக்காக இறைவன் நரிகளைப் பரியாக்கிய கதை நம்ம எல்லாருக்கும் தெரியும். திருவாசகத்தை அருளியதும் அவரே.

இன்னிக்கு திருவாசகமுன்னா எல்லாருக்கும் மாணிக்கவாசகரை விட இளையராஜா தான் ஞாபகத்துக்கு வராரு. அவரு கூட திருவாசகம் இசை வெளியிடுறதுக்கு முன்னாடி இந்த ஊர் கோவிலுக்கு வந்துட்டு போனாராம்.

இந்த ஊருக்கு வாதவூர்-ன்னு பேரு வரக்காரணம் நம்ம சனீஸ்வர பகவான். அவருக்கு ஒரு முறை வாத நோய் வந்ததாம். அப்போ அவர் இந்த ஊருக்கு வந்து இங்கிருக்கும் சிவபெருமானை பூஜை செய்து வழிபட்டாராம். உடனே அவருக்கு அந்த நோய் நீங்கியதாம். இப்பவும் கூட மக்கள் இந்த மாதிரி பிரச்சனைகளுக்காக இங்க வந்து போறாங்களாம். அதுமட்டுமில்லை இந்த ஊருக்கு வேதபுரின்னு அந்த காலத்தில ஒரு பேரு இருந்திருக்கு. வேத விற்பன்னர்கள் இங்கே அடிக்கடி கூடி விவாதங்கள் நடத்துவாங்களாம். அந்த வேதபுரி மருவி வாதபுரின்னு ஆகியிருக்கலாம், அதுவும் மருவி வாதவூருன்னு ஆகியிருக்கலாமுன்னு சொல்லுறாங்க.

கோவில் பழமையான கோவில்...நேரா சிவன் சன்னதிக்கு போனோம். நாங்க போன வேளை கரண்ட் இல்லை. சன்னதி ரொம்ப இருளடைஞ்சு இருந்தது. சிவன் விளக்கு வெளிச்சத்தில் பிரமாதமா இருந்தார். அவர் பேரு வேதபுரீஸ்வரர். அங்கிருந்து வெளியே அம்மன் சன்னதிக்கு போனோம். அம்மனை தரிசித்து விட்டு வரும்போது கரண்ட் வந்துருச்சு. அதுனால மறுபடியும் போய் வேதபுரீஸ்வரரை பார்த்து விட்டு வெளியே இருக்கும் சனீஸ்வரர் சன்னதிக்கு போனாம். அன்னிக்கு சனிக்கிழமை. அதுனால அவருக்கு சிறப்பு அலங்காரம் செஞ்சிருந்தாங்க. அவரையும் தரிசனம் பண்ணிட்டு அங்கிருந்து புறப்பட்டோம். நான் இந்த கோவில் படம் எதுவும் எடுக்கலை. இணையத்தில் கிடைச்ச சில படங்களை போட்டிருக்கேன்.

மாணிக்க வாசகர் பிறந்த இடத்தில் ஒரு சிறிய கோவில் கட்டியிருந்தாங்க. நாங்க போனபோது அது பூட்டி இருந்த்து. மாலை 6 மணிக்குதான் திறப்பாங்களாம். சரி அடுத்தமுறை பார்த்துக்கலாம்ன்னு அங்கிருந்து புறப்பட்டோம்.

மதுரை திரும்பும் வழியில் திருமோகூர் கோவிலுக்கு போனாம். நாங்க போனபோது தெப்ப திருவிழா நடக்க இருந்தது. அதுனால மக்கள் வெள்ளம் நிரம்பியிருந்தது.உள்ளே நுழையும் இடத்தில் உற்சவர் இருந்தார். அவர் பெயர் திருமோகூர் ஆப்தன். அவரை தரிசித்துவிட்டு மூலவரை பார்க்கப் போனோம். மூலவர் காளமேகப் பெருமாள், நின்ற கோலம். இது 108 திருப்பதிகளில் ஒன்று. திருமங்கை ஆழ்வார் மற்றும் நம்மாழ்வாரால் மங்களாசாசனம் செய்யப்பட்டது. தாயார் மோகனவல்லி.

தாயார் சன்னதிக்கு அருகில் சக்கரத்தாழ்வார், சக்கரத்தாழ்வாருக்கு 16 கைகள், அதில் 16 விதமான ஆயுதங்களைக் கொண்டு ஜம்முன்னு இருக்கார். திருமோகூர் சக்கரத்தாழ்வார் ரொம்ப பிரசித்தி பெற்றவர். அவர் இருக்கும் இடத்தில் செல்வம் குவியும் என்பது ஐதீகம். 200 ரூபாய்க்கு சுதர்சன ஹோமத்தில் வைத்து பூஜிக்கப் பட்ட யந்திரம் கிடைக்கிறது.

திருமோகூரில் இருந்து மதுரை வந்து அடுத்தநாள் கிளம்பி சென்னை வந்து சேர்ந்தோம்.

ஏதா எனக்கு தெரிந்த விதத்தில் நான் பார்த்த கோவில்களை உங்களுடன் பகிர்ந்து கொண்டிருக்கிறேன். படித்து பார்த்து உங்கள் கருத்துக்களை சொல்லுங்கள். வாய்ப்பு கிடைத்தால் நீங்களும் கண்டிப்பாக இந்த கோவில்களுக்கு செல்லுங்கள், உங்கள் கருத்துக்களையும் அனுபவத்தையும் பகிர்ந்து கொள்ளுங்கள்.

தொடர்ந்து படித்த அனைவருக்கும், ஆதரவளித்த அனைவருக்கும் நன்றி.

அழகர் மலை அழகர்கள்

2007-04-25T10:36:00.000+05:30

ம. ம. கோ 4ம் பகுதி

ஆமாங்க அழகர் மலை அடிவாரத்தில் கள்ளழகர் இருக்காரு. மலையில் நம்ம அழகர் முருகன் இருக்காரு. இந்த ரெண்டு அழகர்களும் இருப்பதாலதான் அந்த மலைக்கு அழகர்கள் மலைன்னு பேரு வெச்சிருக்கலாமோ?

முதலில் போனது கள்ளழகரைக் காண. ஆமாம், அழகர் மலை அடிவாரத்தில், இருக்கும் அழகர் கோவிலுக்கு போனோம்.

அழகர் கோவில் என்பதே அழகு தமிழ் என்றாலும், அதை விட இனிமையான இன்னோரு பேர். இந்த இடத்துக்கு இருக்காம். திருமாலிருஞ்சோலை. நல்லா இருக்குல்ல

கோவில் ரொம்ப அருமையான இடத்தில் இருக்கு. அழகர் மலை பச்சைப் பசேலுன்னு அழகாவே இருக்கு. அதன் அடிவாரத்தில் கோவில் இருக்கு.

வண்டியை வெளியிலே நிறுத்திட்டு கோட்டை சுவர் வழியா கோவிலுக்கு போனோம். அப்போ மணி சுமார் காலை 11:30. உள்ளே நுழையும் கோட்டை வாசலில் இருந்த பிரமாண்டமான கருடரையும், அனுமனையும் பார்த்தேன். அந்த கோட்டை சுவரையும் சுற்றி இருக்கும் மலையழகையும் பார்த்து ரசிச்சிட்டே போலாமுன்னு நினைச்சேன். ஆனால் அந்த கல்தரையில் காலை வச்சதும் வெயிலால சரியான சூடு. ஒரே ஓட்டமா கோவில் முகப்பு மண்டபத்துக்கு ஓட வேண்டியதாப் போச்சு.

அந்த முகப்பு மண்டபம் முழுக்க மக்கள் இளைப்பாறிட்டு இருந்தாங்க.. பக்கத்திலேயே நம்ம முன்னோர்களும் நிறையவே இருந்தாங்க. சொல்லப்போனா, மக்களோட இரண்டறக் கலந்திருந்தாங்க. அதைத் தாண்டி உள்ளே போனால் ஒரே கும்மிருட்டா இருந்தது. கருங்கல் கட்டிடம், நாங்க வேற நல்ல வெயில்ல இருந்து உள்ள போறோமா, அதுனால கண்ணு தெளிவா தெரியவே கொஞ்ச நேரம் ஆச்சு. அந்த முதல் பிரகாரத்தில் நிறைய அழகான சிற்பங்கள் இருந்தது. ஆனா, வெளிச்சம் இல்லாததுனால எல்லாத்தையும் சரியா ரசிக்க முடியலை.

சரி மூலவரை பார்க்கலாமுன்னு படியேறி அடுத்த பிரகாரத்துக்கு போனா, அங்க உற்சவர் கம்பீரமா இருந்தார். மூலவருக்கு முன்னால பெரிய திரை கட்டி இருந்தாங்க.. என்னான்னு கேட்டா மூலவருக்கு தைல காப்பு சாத்தியிருக்காங்களாம். ஒருமாசத்துக்கு மூலவர் தரிசனம் கிடையாதாம். வருஷத்தில ரெண்டு தடவை இந்த மாதிரி தைல காப்பு சாத்தி திரை போடப்படுமாம். சரீ நாம கொடுத்து வச்சது அவ்வளவுதான்னு நினைச்சுகிட்டு உற்சவரை தரிசனம் பண்ணிகிட்டோம். மூலவர் பேரு சொல்லலையே, அவர் சுந்தரராஜப் பெருமாள். அவருக்கு இன்னோரு பேரும் இருக்கு. பரமஸ்வாமி. ஆச்சரியமாயிருக்கில்ல? சாதாரணமா, பரமன், பரமஸ்வாமின்னா, சிவனைத்தான் குறிக்கும். இங்க பெருமாளுக்கு அந்தப் பேரு. அரியும் சிவனும் ஒண்ணுன்னு நினைச்சிட்டே வெளியிலே வந்தோம். அங்க ஒரு விநாயகர் சிலை இருந்தது. பெருமாள் கோவிலில் விநாயகர் சிலையை பல இடங்களில் பார்த்திருக்கோம். ஆனா புதுசா பார்த்தது, விநாயகரோட பேருதான். என்ன பேரு தெரியுமா? தும்பிக்கையாழ்வார் :)

வெளிப்பிரகாரதிலே, தாயார் சன்னதி இருக்கு. தாயார் பேரு பூமிப் பிராட்டியார். பிரகாரம் சுத்தி வந்தா, ஆண்டாள் சன்னதி இருக்கு. ஆண்டாள் பெரியாழ்வாரோட இந்த கோவிலுக்கு வந்திருக்காங்களாம். கேட்டவுடனே ரொம்ப மலைப்பா இருந்தது. கோவிலோட தொன்மை புரிஞ்சது. அங்க யோக நரசிம்மருக்கு கூட ஒரு சன்னதி இருக்கு.

வெளியில பிரசாத ஸ்டால் இருக்கு. எல்லாருக்கும் ரொம்ப பசிச்சதுனால வடை வாங்கினேன். எல்லாருக்கும் குடுத்துட்டு நான் சாப்பிட எடுத்தபோது, என் வடையை யாரோ பிடுங்கிட்டாங்க.. ஒரு நிமிஷம் ஒண்ணும் புரியலை. அப்புறம் பார்த்தா, எல்லாருக்கும் குடுத்த நான், நம்ம முன்னோரை மறந்துட்டேன். அவங்கள்ல ஒருத்தர் தான் வடையை எடுத்துட்டு போனது. சரின்னு இன்னொரு வடை வாங்கினேன். அதை பேப்பரில் மறைச்சு எடுத்துட்டு வண்டியில ஏறினதுக்கப்புறம் சாப்பிட்டேன்.

அங்கிருந்து மேலே பழமுதிர்சோலைக்கு போனாம். மலையில் 3கி.மீ. பயணம். போகும்போது கல்லூரி காலத்தில் நண்பர்களோடு வந்ததை சொல்லிக்கொண்டே வந்தேன். நான் முதன்முதலில் மேடையேறி பாடிய இடம் பழமுதிர்சோலை. அதைப் பற்றி பேசிக் கொண்டே மேலே சென்றோம்.

முருகனின் ஆறு படைவீடுகளில் பழமுதிர்சோலை எனக்கு ரொம்ப பிடித்த கோவில். முன்னாடி ஒரு குட்டி மண்டபம் மட்டும் இருந்தது. இப்போ முகப்பில் ஒரு சிறிய கோபுரம் இருந்தது. மண்டபத்திலும் கூட தரை வேலைப்பாடுகள் செய்து பளிச்சுன்னு இருந்தது. அதுனால இன்னும் பிடிச்சுப்போச்சு. அமைதியான சூழலில் அமர்ந்திருந்த அழகனை தரிசனம் செய்துவிட்டு, நூபுர கங்கைக்கு போனாம்.

சுமார் 30 படிகள் ஏறவேண்டும். படிகளின் ரெண்டு பக்கமும் முன்னோர்கள் கூட்டம்தான். ஏறிப்போனால் மலைக்கு நடுவில் எப்போதும் வற்றாத நூபுர கங்கையைக் காணலாம். மலைகளின் மூலிகைகள் வழியாக வரும் நீர் என்பதால் இதுக்கு மருத்துவ குணமும் இருக்குதுன்னு சொல்றாங்க. அங்கேயே ராக்காயி அம்மன் சன்னதி இருக்கும். ரொம்ப அழகான அம்மன்.

பக்கத்திலேயே, அரசு மூலிகை வனம் இருந்தது. அங்க பலவிதமான வியாதிகளின் நிவாரணத்துக்கான மரங்கள் வளர்க்கப்படுதாம். அங்கே வேணுமின்னா நம்ம மரக் கன்றுகளை வாங்கிக்கலாம். எனக்கும் ஆசைதான் ஆனா, வீட்டில் இடம் இல்லையே...... அந்த அமைதியான சூழலை கொஞ்ச நேரம் ரசிச்சிட்டு அங்கிருந்து புறப்பட்டாச்சு.

தொடரும்.....

குன்றத்திலே குமரனுக்கு கொண்டாட்டம் - ம.ம.கோவில்கள் -3

2007-04-17T11:08:00.000+05:30

குன்றத்திலே குமரனுக்கு கொண்டாட்டம் - அங்கே குவிந்ததம்மா பெண்களெல்லாம் வண்டாட்டமுன்னு பாட்டு இருக்கு.

ஆமாம் நான் போனபோது நிஜமாகவே குமரனுக்கு கொண்டாட்டம் தான். அன்று திருத்தேர்.

கூட்டம் ஜாஸ்தியா இருக்குமேன்னு பயந்துகிட்டே போனோம். ஆனால் அப்புறம்தான் தெரிஞ்சது, தேர் காலையிலே. நான் போனது மாலை.
தேர் நல்லபடியா நிலை சேர்ந்திருந்தது. தேர் ரொம்ப் புதுசா இருந்தது. புது தேரான்னு தெரியலை. நீங்களே பார்த்து சொல்லுங்க. தேரில் ராஜா மாதிரி கம்பீரமா வீற்றிருந்த குமரனை காண கண்கோடி வேண்டும்.

கோவில் ஒரு குடைவரைக் கோவில். அந்த பெரிய குன்றை குடைஞ்சு கட்டீருக்காங்க..கோவில் பல நிலைகளா இருக்கு. கோவில் உள்ள நுழைஞ்சதும் வழக்கம் போல கடைகள் அப்புறம் விநாயகர் காளி சிலைகள் இருக்கு. அதைத் தாண்டி அடுத்த நிலைக்கு போனா.. அது பார்க்கிங் ஏரியா (parking area). ஆமாம் அங்க கல்லிலே செதுக்கப்பட்ட நந்தி, மயில், மூஞ்சூறு மூன்றும் ஒரே இடத்தில் இருக்கு.

இது வேறு எந்த முருகன் கோவிலிலும் இல்லாத ஒரு சிறப்பம்சம். முருகனோட வாகனம் மயில் இருக்கு. விநாயகரோட வாகனம் மூஞ்சூறும், சிவனோட வாகனம் நந்தியும் இருக்கு. முருகனோட கல்யாணத்துக்கு இவங்க ரெண்டு பேரும் தங்களோட வாகனங்களில் வந்திருக்காங்க.. உள்ளே இவங்களுக்கு தனி சன்னதி இருக்கு. தங்களோட வாகனங்களை பார்க்கிங் ஏரியாவிலே நிறுத்தி வெச்சிருக்காங்க...

அதே இடதில் உக்கிரமூர்த்தி சிலை இருக்கு. தவறாம பாருங்க.. பேருதான் உக்கிரர், ஆனால் ரொம்ப ரொம்ப அழகா இருக்கு. அதைப் பார்த்துகிட்டே ரொம்ப நேரம் நின்னுட்டிருந்தேன். என்ன அழகா குன்றிலேயே செதுக்கி இருக்காங்க... அழகு அழகு கொள்ளையழகு

அதைக் கடந்து அடுத்த நிலைக்கு போனா அர்த்த மண்டபம் இருக்கு. அங்கிருந்து சில படிகளைக் கடந்தால் சுவாமி சன்னதிகள் இருக்கு. இடப்புறம், சத்தியகிரீஸ்வரர் லிங்கோத்பவரா இருக்கார். பிரம்மாவுக்கும் சன்னதி இருக்கு ஆனா சரியா பார்க்க முடியலை, மறைஞ்சு இருக்கு. நேராக மூன்று சன்னதிகள் இருக்கு. கற்பக விநாயகர், அம்மன், முருகன். முருகனோட தேவயானை, நாரதர், அகத்தியர், சூரிய, சந்திரர்கள் இருக்காங்க. முருகன் பெரிய வேல் வெச்சிருக்கார். இங்க அபிஷேகமெல்லாம் வேலுக்கு தானாம். இந்த மூணு சன்னதிகளிலும் குன்றிலேயே தெய்வ உருவங்களை செதுக்கியிருக்காங்க. ஒன்னொன்ணும் அவ்வளவு அழகு.

சன்னதிகளை விட்டு வெளியே வந்தால் கீழே இறங்க தனி வழி. அந்த வழியே இறங்கும்போது மேலும் பல சன்னதிகள் இருக்கு. குறிப்பா சனீஸ்வரருக்கு தனி சன்னதி இருக்கு.

கோவிலை விட்டு வெளியே வந்தால் கடைவீதியில் நிறைய கடைகள் இருக்கு. குறிப்பா எதை எடுத்தாலும் 20 ரூபாய்ன்னு போட்டு நிறைய கடைகள் இருக்கு. நேரமில்லாததினால் அங்க எல்லாம் போகலை.

குன்றுக்கு மேல் ஒரு கோவில் இருக்காம். ஆனால் ஆறு மணிக்கு மேலே ஆனதுனால எங்களை மேலே ஏற அனுமதிக்கலை.

அடுத்த பகுதிகளில் கள்ளழகர், பழமுதிர்ச்சோலை, திருவாதவூர், திருமோகூர் கோவில்களைப் பற்றி சொல்லுறேன்.

தொடரும்.........

முதல் பகுதி இங்க இருக்கு. இரண்டாவது இங்க இருக்கு.

மனம் மயக்கும் கோவில்கள் - 2

2007-04-12T10:51:00.000+05:30

முதல் பகுதி படிச்சிட்டீங்களா?

மீனாட்சி அம்மன் கோவிலில் நான் எடுத்த முக்குறுணி விநாயகர் படம். செல்பேசியில் எடுத்ததால் கொஞ்சம் மங்கலாக இருக்கு. அட்ஜஸ்ட் பண்ணிக்கோங்க.... பெரிய உருவம்.

இதுல சிறப்பம்சம் என்னனா, இது ஒரே கல்லினால் ஆனதாம். நீங்க நேரில் பார்த்தீங்கன்னா இதோட பிரம்மாண்டம் உங்களுக்கு புரியும். விநாயகர் சதுர்த்தியின் போது 1000 கிலோ எடையுள்ள கொழுக்கட்டை நைவேத்தியம் செய்யப்படுமாம். கேட்கவே பிரமிப்பா இருக்கு...

கோவிலில் தவறாமல் பார்க்க வேண்டிய இன்னோரு இடம் ஊர்த்துவ தாண்டவர் மற்றும் காளி சிலைகள். சொக்கநாதர் சன்னதிக்கு அருகில் இருக்கு. 4 பெரிய சிலைகள். முன்னாடி எல்லாம், வெண்ணை சாத்துறோம் பேர்வழின்னு மக்கள் வெண்ணை உருண்டைகளை சிலைகள் மேல் தூக்கி எறிவாங்க.. அதுனால 4 சிலைகளுமே வெண்ணை உருண்டைகளோட பயங்கரமா இருக்கும். இப்போ அதை தடை பண்ணிட்டாங்களாம். இப்போதான் அந்த சிலைகளோட முழு அழகும் தெரியுது. தடை விதிச்சவங்களுக்கு நன்றி.

அங்கே இருக்கும் இன்னோரு குறிப்பிட வேண்டிய விஷயம் பிரசவ சிலை. சொக்கநாதர் சன்னதிக்கு போகும் வழியில் ஒரு ஆஞ்சநேயர் சிலை தூணிலேயே இருக்கும். அதுக்கு செந்தூரம் தடவி ஆரஞ்சு கலரில் பார்த்தவுடனே பளிச்சுன்னு தெரியும். அதுக்கு எதிரே இன்னோரு தூணில் ஒரு பெண் பிரசவிக்கும் சிலை இருக்கு. கர்ப்பிணி பெண்கள் அதை வழிபட்டு அதுக்கு எண்ணை தடவினால், சுகப்பிரசவம் ஆகும்னு ஒரு ஐதீகமாம்.

கோவிலை விட்டு வெளியே வரும் வழியில், ஆயிரங்கால் மண்டபம் அருகே கயிறுகள், படங்கள், டாலர்கள், மணிகள், மரச் சாமான்கள் இதுபோல பலவும் விற்கும் கடைகள் ஏராளம். வெளிநாட்டு சுற்றுலா பயணிகள் கூட்டமாக அந்த கடைகளில் பார்வையிட்டுக் கொண்டிருந்தனர். கடைக்காரர்களுக்கு நல்ல வருமானம்னு நினைக்கிறேன்.

மீனாட்சியம்மன் கோவிலில் இருந்து திருப்பரங்குன்றம் போனோம். அதைப் பற்றி அடுத்த பகுதியில் பார்க்கலாம்.

தொடரும்......

மனம் மயக்கும் கோவில்கள் - 1

2007-04-10T13:52:00.000+05:30

நிச்சயமா இது துளசி டீச்சரோட நெஞ்சாங்கூட்டில் நிற்பதுக்கு போட்டி இல்லீங்க. போன வாரம் ஒரு 5 நாள் மதுரை, சிவகங்கையை சுற்றி இருக்கும் எனக்கு ரொம்ப பிடிக்கும் கோவில்களுக்கு போயிருந்தேன். அதைப் பற்றி சொல்லலாம்னு நினைக்கிறேன்

முதலில் சென்னையிலேருந்து திருச்சி வழியா மதுரைக்கு போகும் போது சமயபுரம் மாரியம்மன் கோவிலுக்கு போனோம். நாங்க போனது வியாழன், அதுனால கோவிலில் கூட்டம் இல்லை. நல்ல தரிசனம்.

அங்க நடந்த ஒரு நிகழ்ச்சி. அந்த கோவிலின் சூப்பரண்டு அம்மா... சன்னதிக்கு முன்னாடி நின்னு கத்திகிட்டு, பக்தர்கள் எல்லாரையும் தரக்குறைவா பேசிட்டு இருந்தாங்க... எனக்கு இது பிடிக்கலை. அவங்களிடம் எடுத்துச் சொன்னபோது, என்னை வேலையை பார்த்துட்டு போகச் சொன்னாங்க... எனக்கு ரொம்ப கோவம் வந்தது. ஆனா, அந்த இடத்தில நான் அவங்களை கத்தினா, அவங்க செஞ்ச அதே தப்பை நானும் செய்வேன்னு நினைச்சு வாயை மூடிட்டு வந்துட்டேன். அந்த அம்மாவுக்கா இது எவ்வள்வு தப்புன்னு தெரிஞ்சா சரி....

பின் அங்கிருந்து கிளம்பி மதுரை வந்து சேர்ந்தோம். மறுநாள் வெள்ளிக்கிழமை காலை மதுரையில் இருந்து சிவகங்கை வழியாக நாட்டரசன் கோட்டை கண்ணாத்தாள் கோவிலுக்கு சென்றோம். நான் சிவகங்கைல படிக்கும்ப்போது ஒவ்வோரு வெள்ளியும் தவறாமல் இந்த கோவிலுக்கு போவேன். கிட்டத்தட்ட 7 வருஷம் கழிச்சு இப்போதான் போக நேரம் கிடைச்சது. அதுவும் முதல் முறையா இந்த கோவிலுக்கு தங்கமணி, குழந்தையோட போனது மனசுக்கு ரொம்ப நிறைவா இருந்தது. இத்தனை வருஷ இடைவெளியில் கோவில் எந்த விதத்திலும் மாறலை. போகும் வழியில் நான் வளர்ந்த வீடு, படிச்ச ஸ்கூல், காலேஜ் எல்லாம் போய் பார்த்தோம். அதுனால வழி முழுதும் ஒரே "ஞாபகம் வருதே ஞாபகம் வருதே" தான். சைக்கிள் மட்டும்தான் இல்லை.

உங்களுக்கு நாட்டரசன் கோட்டை கண்ணாத்தாள் கோவிலைப் பற்றி தெரியுமா? ரொம்ப சக்தி வாய்ந்த அம்மன். வரப்ப்ரசாதி. கண் சம்மந்தப்பட்ட பிரச்சனைகளுக்காக மக்கள் அங்க வேண்டிக்குவாங்க... மாவிளக்கு ஏத்துவதும், கண் மலர் சாத்துவதும் எப்பவுமே நடக்கும். நீங்க இதுவரை பார்க்கலைன்னா கண்டிப்பாக ஒரு தடவை வந்து பாருங்க... இது சிவகங்கையிலிருந்து 7 கிலோமீட்டர் தொலைவில் உள்ளது. நகரத்தார்கள் அதிகம் இருக்கும் ஊர். இங்க 80% மக்கள், கண்ணாத்தாள், கண்ணப்பன் னு பேர் கொண்டவங்களா இருப்பாங்க. flickr-ல் கிடைத்த கோபுரம் படங்களை இங்கே கொடுத்திருக்கிறேன். அம்மன் படம் flash animation-ல் இங்க இருக்கு.

பின்னர் அங்கிருந்து மதுரை மீனாட்சியம்மன் கோவிலுக்கு போனோம். வெள்ளிக்கிழமை, அதோட விடுமுறை நாள் வேற, கூட்டத்துக்கு கேக்கணுமா...ஏதோ அங்கு இருக்கும் என் மாமா தயவில தூரத்தில இருந்து மீனாட்சி தரிசனம் கிடைச்சது. மீனாட்சிக்கு இருக்கும் கூட்டம் சொக்கநாதருக்கு இல்லை. அதுனால சொக்கநாதர் நல்ல தரிசனம். தங்கமணி இந்த கோவிலுக்கு வருவது இதுதான் முதல்முறை. அதுனால மறுபடியும் நாந்தான் கைடு. முக்குறுணி விநாயகர், பொற்றாமரைக்குளம், ஆயிரங்கால் மண்டபம் எல்லாம் விளக்கிச் சொன்னேன். கொஞ்ச நாள் முன்பு யானை இறந்து போயிட்டதா செய்தி பார்த்தேன். ஆனா நாங்க போனபோது அங்க ஒரு குட்டி யானை இருந்தது. அதுக்குள்ள வேற யானை வந்துடுச்சு.

இதுக்கு அப்புறம் திருப்பரங்குன்றம், அழகர் கோவில், திருவாதவூர், திருமோகூர் கோவில்களுக்கு போனோம், இந்த பதிவு ரொம்ப நீளமா போயிட்டதுனால, அதை அடுத்த பகுதியில பார்ப்போம்

BCCI யில் ஆளெடுக்குறாங்கோ...

2007-03-28T16:01:00.000+05:30

காலியிடங்கள் ::

1. கேப்டன் (BCCPC 0001) - ஒரு இடம்
2. கோச் (BCCPC 0002) - ஒரு இடம்
3. அணி வீரர்கள் (?!?) - 15 இடங்கள்

தகுதி ::

1. TV-ல் கிரிக்கெட் போட்டிகளை பார்த்திருக்க வேண்டும்
2. புத்தக கிரிக்கெட்டில் (அ) தெரு கிரிக்கெட்டில் குறைந்த பட்சம் 65 ரன்கள் எடுத்திருக்க வேண்டும்

3. மாடல்கள், விளம்பர நடிகர்களுக்கு முன்னுரிமை வழங்கப்படும்

4. கோச் பதவிக்கு LKG அல்லது UKG ஆசிரியர்களுக்கு முன்னுரிமை அளிக்கப்படும்

தேர்வு முறை::

1. பேட்டிங் தேர்வு : பெர்மூடாவுடன் ஒரு தேர்வு போட்டி நடக்கும். போட்டியில் குறைந்தது 15 ரன்கள் எடுக்கவேண்டும்
2. பெளலிங் தேர்வு : ஒரு ஓவர் பந்து வீச வேண்டும். ( 3 வைட் / நோ பால்களுக்கு மேல் இருக்கக் கூடாது)

குறிப்பு :: கண்டிப்பாக தகுதி அடிப்படையில் மட்டுமே தேர்வு நடைபெறும்.

விண்ணப்பங்களை உங்கள் பெயர்/பதவி/அதிக பட்ச ரன்கள் ஆகியவற்றைக் குறிப்பிட்டு callforcric@bcci.com என்ற முகவரிக்கு மின்னஞ்சல் அனுப்பவும்.

தேர்வு நடைபெறும் இடம் : நடேசன் பார்க், தி. நகர், சென்னை.
தேர்வு நாள் : 1 ஏப்ரல் 2007

முந்துங்கள்.... முந்துங்கள்..........

மேலதிக தகவல்களுக்கு கீழ்கண்ட புத்தகங்களைப் பார்க்கவும்

" நீங்களும் பேட்ஸ்மேன் ஆகலாம் "- எழுதியவர் முனாப் படேல்
"21 நாட்களில் கிரிக்கெட்" - எழுதியவர் "எல்லாம் தெரிஞ்ச ஏகாம்பரம்" சித்து
"உங்கள் வீட்டை பாதுகாப்பது எப்படி" - எழுதியவர் தோனி

இந்த அரிய வாய்ப்பை நழுவ விடாதீர்கள்.........

ஒரு கூடை சன்லைட்

2007-03-27T16:41:00.000+05:30

ஒரு கூடை சன்லைட் ஒரு கூடை மூன்லைட்
ஒன்றாக சேர்ந்த கலர்தானே என் வொய்ட்

அப்பத்தா வெச்ச கறுப்பே
இப்பத்தான் செக்கச் சிவப்பே

எப்போதும் பச்சைத் தமிழன்..!
இப்போ நான் வெள்ளைத் தமிழன்..!

அட அட அட அசத்துது உன் ஸ்டைல்
நட நட நட நடப்பது உன் ஸ்டைல்
கட கட கட சிரிப்பது உன் ஸ்டைல்
பட பட பட பேசுவது உன் ஸ்டைல்

கலக்குது உன் ஸ்டைல்..... இழுக்குது உன் ஸ்டைல்
ஜெயிப்பது உன் ஸ்டைலே
குழந்தைக்கு உன் ஸ்டைல்.....இளசுக்கு உன் ஸ்டைல்
பெருசுக்கும் உன் ஸ்டைலே

சுட சுட சுட தொடுவது உன் ஸ்டைல்
தட தட தட அதிரடி உன் ஸ்டைல்
அடிக்கடி முடி கலைவது ஸ்டைலே
வர வர எல்லாமே ஸ்டைலே

ரகளை செய்யிற திரு வீரா
மிரள செய் மன்மத மாறா
கவிதேடும் கலகக்காரா
கண்தடவும் காந்தள மாரா
கிண்னென்ற கண்ணிய கூரா
திண்னென்ற வெள்ளைக்காரா

அடடா நீ கயத்தாடி மிட்டாய்
நடந்தாயே மறைகிற காற்றாய்
இருந்தாயே உருவத்தில் எட்டாய்
ஐஸ் நதியை நரம்புக்குள் விட்டாய்
ஜி என்னும் சொல்லிலே சுட்டாய்
ஈபிள் டவர் இதயத்தில் நட்டாய்
பட்டாசாய் பாட்டாய்

ஹீரோ ஹீரோ ஹீராதி ஹீரோ
ஸ்டாரோ ஸ்டாரோ நீ சூப்பர் ஸ்டாரோ

ஒரு சந்தேகம்

2007-03-19T14:15:00.000+05:30

1. தமிழ்நாட்டுக்கு காவிரி தண்ணீர் குடுக்க கர்நாடகம் எதிர்ப்பு

2. முல்லை பெரியார் விஷயத்தில் தமிழ்நாட்டுக்கு கேரளம் எதிர்ப்பு

3. சேலம் ரயில்வே கோட்டம் அமைப்பதற்கு கேரளம் எதிர்ப்பு.

4. கடல் சார் பல்கலைகழகம் சென்னையில் அமைக்க மேற்கு வங்கம் எதிர்ப்பு..

என் சந்தேகம் என்னான்னா, இந்தியர்களின் சிறப்பம்சம் வேற்றுமையில் ஒற்றுமைன்னு(unity in diversity) சொல்லுறாங்களே அப்படீன்னா என்னங்க??? மேலே சொன்ன விஷயங்கள் எல்லாம் அதுல சேராதா?

அதுதான் எனக்கு சத்தியமா புரிய மாட்டேங்குது. யாராவது அறிஞ்ச தெரிஞ்ச பெரியவங்க சொல்லுங்களேன்............

500 பதிவுகளுக்கும் மேல் பதிவிடுவது எப்படி?

2007-03-13T13:55:00.000+05:30

தமிழ் வலையுலகின் மூத்த பதிவர் துளசி டீச்சர் அவர்களின் 500வது பதிவில், நான் அவங்ககிட்ட ஒரு கேள்வி கேட்டேன்.

// 500-ஆஆஆஆ!!!!!!!!!! பிரமிப்பா இருக்கு. எனக்கு ஒரு 10 பதிவுக்குள்ளயே, மூச்சு திணறிப்போச்சு. அந்த பத்து கூட சினிமா, புத்தகம், கட்டுரைன்னு ஜல்லியடிச்சிட்டு இருக்கேன். உங்களால எப்படி தான் முடிஞ்சதோ? அந்த ரகசியத்தை எனக்கும் கொஞ்சம் சொல்லிக்குடுங்களேன்? (இதெல்லாம் சொல்லிக்குடுத்து வர்ரதில்லைன்னு நீங்க சொல்லுறது கேக்குது)//

அதுக்கு டீச்சர் சார்பா க்ளாஸ் லீடர் இலவசக் கொத்தனார் பதில் சொல்லியிருந்தார்.

//கண்ணைத் திறந்து வெச்சுக்குங்க. உங்களைச் சுத்தி என்ன நடக்குதுன்னு பாருங்க. சுத்தி நடக்கற விஷயங்களில் கவனமா இருந்தீங்கன்னா பத்து பதிவென்ன, 500 பதிவே போடலாம்.//

யோசிச்சு பார்த்தா, இது ரொம்ப சரியான கருத்து. பதிவிடுவதற்கு விஷயமா இல்லை? எவ்வளவோ இருக்கு. நம்ம தான் விழிப்பா இருக்கணும். நம்மைச் சுற்றி என்ன நடக்குதுன்னு பார்த்து, மனசில பதிஞ்சுக்கணும். அதை அப்படியே நம்ம வலைப்பதிவுல வெளிப்படுத்தணும். இப்படி செய்தால், 500க்கும் மேலே பதிவுகள் போடலாம்.

இதை எல்லா புதிய வரவுகளுக்கும் தெரிவிக்கணும்னு தான் தனிப்பதிவா போட்டிருக்கேன். இந்த அருமையான பாடத்தை சொன்ன துளசி டீச்சருக்கும், அதை என்போன்ற புதியவர்களுக்கு எடுத்து சொன்ன க்ளாஸ் லீடர் கொத்தனாருக்கும் நன்றி, நன்றி நன்றி.

நீங்களும் ஓர் - ஒரு நிமிட சாதனையாளர்

2007-03-06T14:19:00.000+05:30

திரு லேனா தமிழ்வாணன் அவர்கள் குமுதத்தில், "நீங்களும் ஓர் - ஒரு நிமிட சாதனையாளர்" என்ற தொடர் எழுதிவருகிறார். இந்த வாரம் தான் படிச்சேன். ரொம்ப நல்லா இருந்தது. இனிமேல் தொடர்ந்து தவறாமல் படிக்கணும்.

"The One Minute Manager" என்ற புத்தகம் படிச்சிருக்கீங்களா? அது ரொம்ப நல்லா இருக்கும். தமிழில் இப்படி ஒரு புத்தகம் இல்லையேன்னு நினைச்சிட்டிருந்தேன். திரு லேனாவின் இந்த முயற்சி அந்த குறையைப் போக்கும்ன்னு நினைக்கிறேன்.

திரு லேனாவின் இந்த வார கட்டுரை குமுத்திலிருந்து படிக்க இங்கே சொடுக்கவும்.

இதைப் படிக்க குமுதம் இணைய தளத்தில் ரெஜிஸ்டர் செய்ய வேண்டும். அதற்கு கட்டணம் ஏதும் இல்லை. தவறாமல் படியுங்கள்.

மொழி

2007-02-28T11:47:00.000+05:30

அருமையான படம். இப்படி ஒரு படம் தமிழில் பார்த்து ரொம்ப நாளாச்சு.

ஒரு பெண், அதுவும் கேட்கவும், பேசவும் முடியாத ஒரு பெண். அவளுக்கென்று ஒரு உலகம். அவளை விரும்பும் ஒருவன். அதை புரிந்து கொண்டு உதவும் நண்பர்கள் இப்படி எல்லாமே ரொம்ப புதுசா இருக்கு. இவ்வளவு சீரியஸான ஒரு கதையை நகைச்சுவை கலந்து சொல்லியிருக்கும் விதம் எல்லாமே அருமை அருமை.

ஜோதிகா கலக்கியிருக்காங்க. இது வரை ஜோதிகா நடிச்ச படங்கள்லயே இது தான் சிறந்ததுன்னு சொல்லலாம். அசத்தியிருக்காங்க. ப்ரகாஷ் ராஜுக்கு வழக்கம்போல இல்லாம வித்தியாசமான பாத்திரம். ஹீரோ ப்ருத்வி ராஜ் நல்லா நடிச்சிருக்காரு. அவர் குரல் நல்லா இருக்கு. ஆனா, பாவமே இல்லாம சில இடங்கள்ல பேசியிருக்காரு, அதை தவிர்த்திருந்தா, நல்லா இருந்திருக்கும்.
வித்யாசாகர் பாடல்கள் எல்லாம் அருமை. நல்ல மெலோடி. ஆனா, எனக்கென்னவோ, பாடல்கள் படத்தின் வேகத்தை குறைப்பதுபோல இருக்கு.
குறிப்பிட்டு சொல்ல வேண்டிய இன்னோர் விஷயம், வசனம். சூப்பரா இருக்கு.

கண்டிப்பா இந்த படத்தைப் பாருங்க.
(images from sulekha.com)

15. யம்மாடியோவ்வ்வ்வ்வ்வ்வ்

2007-02-22T12:03:00.000+05:30

எனக்கு மின்னஞ்சலில் வந்த படம். அதை சுட்டு இங்கே போட்டிருக்கேன்.

படத்தில் இருப்பது பாகிஸ்தான் முன்னாள் கிரிக்கெட் வீரர், ஜாவேத் மியாதாதின் மகனும், தாவூத் இப்ராஹிம் மகளுமாம்.

எனக்கு என்ன சந்தேகம்னா, இவ்வளவு நகைகளை போட்டுக்கிட்டு எப்படி விழாம பேலன்ஸ் பண்ணி நிக்க முடியுது???????

யம்மாடியோவ்வ்வ்வ்வ்வ்வ்!!!!!!!!!!!!!!!!!!!!!

புத்தகங்கள்

2007-02-19T10:49:00.000+05:30

எங்கிட்ட இருக்கும் சில நல்ல, கெட்ட பழக்கங்களில், புத்தகம் படிப்பது ரொம்ப முக்கியமானது. குமுதம், விகடனில் இருந்து, எல்லா புத்தகமும் படிப்பேன். தமிழ், ஆங்கில நாவல்களும் படிப்பேன்.

இந்த சனிக்கிழமை, என்ன பண்ணலாம்னு யோசிச்சிட்டிருக்கும்போதுதான், landmark-க்கு இந்த மாச போணி பண்ணவேயில்லைன்னு ஞாபகம் வந்துச்சு. அடடா, தெய்வகுத்தம் ஆகிபோயிடுமேன்னு, உடனே landmark போய்ட்டேன். ரொம்ப யோசிச்சு, 2 புத்தகம், 5 CDs(1 Video, 5 Audio) வாங்கிட்டேன்.

ஒரு புத்தகம், project management பற்றியது. இன்னொன்னு, Aruthur Hailey - The money changers.

Project Management பற்றிய - A Comedy of Errors by "Prasanna kumar" (நான் இல்லை) படிச்சு முடிச்சாச்சு. Project Manager மட்டுமில்லாம, பொட்டி தட்டும் எல்லாரும் கணடிப்பாக படிக்கவேண்டும். (programmer, project manager and top management). இதை எழுதியிருப்பது, நம்ம சென்னை ஆளு. அதனால, அவருக்கு நாம எப்படியெல்லாம் யோசிப்போமுன்னு, நல்லா தெரிஞ்சிருக்கு. அதுக்கு தகுந்த மாதிரி எழுதியிருக்காரு. ஆரம்பம் முதல், முடிவு வ்ரைக்கும் நல்ல நகைச்சுவை இருக்கு. அதுனால, படிக்கும்போது, bore-ஆ இல்லாம ரொம்ப ரசிக்க முடியுது. Hindu பேப்பரில் இந்த புத்தக விமர்சனம் வந்திருக்கு. அதைப் படிக்க இங்க போகணும். ِ

Arthur Hailey இன்னும் படிக்கலை. படிச்சிட்டு அதைப் பற்றி எழுதுறேன். என் விமர்சனத்துக்காக நீங்க எல்லாம் ஆவலா காத்திருக்கீங்கன்னு தெரியுது. ஆனா அதிக வேலைப் பளு காரணமா, உங்களையெல்லாம் காக்கவைக்கும்படி இருக்கு. கண்டிப்பா அடுத்த வாரம் அந்த புத்தக விமர்சனம் எழுதுறேன். மனசைத் தளர விடாதீங்க.

Happy Valentine's Day

2007-02-14T10:39:00.000+05:30

அன்பர்கள் தினம் கொண்டாடும் அனைவருக்கும் - இனிய அன்பர் தின வாழ்த்துக்கள்.

If I had to live my life without you near me
The days would all be empty
The nights would seem so long
With you I see forever oh so clearly
I might have been in love before
But it never felt this strong

Our dreams are young
And we both know they'll take us
Where we want to go

Hold me now
Touch me now
I don't want to live without you

Nothing's gonna change my love for you
You ought know by now how much I love You
One thing you can be sure of
I'll never ask for more than your love

Nothing's gonna change my love for you
You ought know by now how much I love you
The world may change my whole life through
But nothing's gonna change my love for you

If the road ahead is not so easy,
Our love will lead the way for us
Like a guiding star
I'll be there for you if you should need me
You don't have to change a thing
I love you just the way you are
So come with me and share the view
I'll help you see forever too

குறும்பான குறுஞ்செய்தி SMS

2007-02-13T15:16:00.000+05:30

நேற்று எனக்கு வந்த குறுஞ்செய்தி (ٍٍٍSMS)

Flash News : Pop singer and famous dancer Micheal Jackson died

do you know the reason ??????????

He got heart attack after watching T.R. Dance in Veerasaamy.

:)))))))))))))))))))))))))

உக்காந்து யோசிப்பாய்ங்களோ???????????????

_______________________________

இதே படத்துக்கு ஆனந்த விகடன் விமர்சனமும் ரசிக்கவைத்தது.
"பரிட்சைக்கு மார்க் போடலாம். விஷப்பரிட்சைக்கு?............."

:))))

GM Diet - திட்ட உணவு

2007-02-09T12:36:00.000+05:30

உங்களுக்கு GM Diet பத்தி தெரியுமா? எனக்கு இப்போ தான் தெரியும்.

அதுக்கு முன்னாடி, Diet க்கு சரியான தமிழ் வார்த்தை என்ன? ரொம்ப யோசிச்சு, திட்ட உணவுன்னு எழுதியிருக்கேன். தெரிஞ்ச பெரியவங்க சொன்னா திருத்திக்கிறேன்.

இந்த GM diet, General Motors நிறுவனம், அவங்க தொழிலாளிகளுக்காக உருவாக்கியதாம். இந்த திட்டப்படி சாப்பிடுவதால், 7 நாளில், 5 முதல் 7 கிலோ வரை உடல் எடையை குறைக்கலாம். அதுமட்டுமில்லாம, இது நம் உடலின் வேண்டாத கொழுப்பு சத்துக்களை கழுவி களைந்து விடுவதால், நாம், புதிதாக பிறந்தது போல ஒரு புத்துணர்ச்சி கிடைக்குமாம். எங்க office-ல கூட 2 பேரு இதை try பண்ணி எடையை குறைச்சிருக்காங்களாம்.

உங்களுக்கு oringial US Version வேணும்னா, இங்க click பண்ணுங்க

நம்ம இந்தியன் version இங்க குடுக்கிறேன்.

முதல் கண்டிஷன் : இதை follow பண்ணும் போது, நீங்க, தண்ணியடிக்கவோ, 'தம்' அடிக்கவோ, மற்ற எந்த விதமான போதை பொருளை சாப்பிடவோ கூடவே கூடாது. காபி, டீ உட்பட!!!!!!!!

2வது கண்டிஷன் : இதை follow பண்ணும் போது, நீங்க தினமும் 10 தம்ளர் தண்ணி (pure water) குடிக்கணும்.

முதல் நாள் : இன்னிக்கு முழுவதும் வெறும் பழங்கள் மட்டுமே சாப்பிடணும். வாழைப்பழம் கண்டிப்பா சாப்பிடக்கூடாது. பால் குடிக்க கூடாது. பழங்கள் எவ்வளவு வேணும்னாலும் சாப்பிடலாம். தர்பூசனி (water melon) நிறைய சாப்பிடுவது நல்லது. கலோரி அளவு குறைவாக உள்ள பழங்களை சாப்பிடுவது நல்லது.

2வது நாள் : காலை உணவுக்கு ஒரு முழு வேக வைத்த உருளைக்கிழங்கு சாப்பிட வேண்டும். இன்னிக்கு முழுவதும், வெறும் காய்கறிகள் மட்டுமே சாப்பிட் வேண்டும். பச்சையாகவோ, அல்லது, வேக வைத்தோ சாப்பிடலாம். எவ்வளவு வேண்டுமானாலும் சாப்பிடலாம். எண்ணை, தேங்காய் தவிர்க்கவேண்டும். இன்றும் பால் கூடாது.

3வது நாள் : இன்னிக்கு முழுவதும் காய்கறிகளும், பழங்களும் சாப்பிட வேண்டும். எவ்வளவு வேண்டுமானாலும் சாப்பிடலாம். வாழைப்பழம், உருளைக்கிழங்கு, பால் கண்டிப்பா சாப்பிடக்கூடாது.

4வது நாள் : இன்று 8 வாழைப்பழங்கள் மட்டும் சாப்பிட வேண்டும். இது தவிர, 3 டம்ளர் பால் குடிக்க வேண்டும். 1 கப் வெஜிடபிள் சூப் சாப்பிட வேண்டும்.

5வது நாள் : இன்று 1 கப் சாதம், 6 தக்காளி சாப்பிட வேண்டும். கண்டிப்பாக 12 டம்ளர் தண்ணீர் குடிக்க வேண்டும்.

6வது நாள் : இன்னிக்கு 2ம் நாள் போலவே, காய்கறிகள் சாப்பிட வேண்டும். 1 கப் சாதம் சாப்பிட வேண்டும்.

7வது நாள் : இன்னிக்கும் 2ம் நாள் போலவே, காய்கறிகள் சாப்பிட வேண்டும். 1 கப் சாதம் சாப்பிட வேண்டும். மற்றும் 1 கப் fruit juice சாப்பிட வேண்டும்.

முயற்சி பண்ணி பாருங்களேன்...........................................

மறுபடியும் Match Fixing பூதம்

2007-02-08T10:26:00.000+05:30

நாக்பூரில் நடந்த முதல் ஒரு நாள் போட்டில நம்ம பசங்க, நல்லா விளையாடி ஜெயிச்சாங்கன்னு சத்தியமா நினைச்சேன். ஆனா, அப்படி இருக்காது போல இருக்கு. Marlon Samuels பத்தி உங்களுக்கெல்லாம் தெரியும். அவர், Mukesh Kochar-ன்னு ஒரு bookie கூட பேசினாராம். அவங்க team பத்தின ரகசியமான் தகவலையெல்லாம் குடுத்தாராம். இந்த bookie, தாவூத் இப்ராஹிம் ஆளாம். Samuels, அவங்க மொதல்ல fielding பண்ண போற தகவலையும், Bowling order-ம் bookie கிட்ட சொன்னாராம். அது மட்டுமில்ல, போட்டி முடிஞ்சவுடனே, மும்பைல தங்கி இருக்க போறதாவும் சொன்னாராம். அதே மாதிரி தங்கியும் இருந்தாராம். இவங்களோட தொலைபேசி உரையாடலை, போலீஸ், record பண்ணி இருக்காங்களாம்.

இன்னும் match fixing-ன்னு உறுதியாகலைன்னாலும், இந்த நியூஸை படிச்சவுடனே ரொம்ப வெறுப்பா இருக்கு. இவங்க என்னிக்குதான் திருந்துவாங்களோ................????????????

ஒன்னு இவங்க திருந்தனும்...இல்லைன்னா நம்ம எல்லாரும் கிரிக்கெட் பாக்கறதை நிறுத்தனும்.

மேல் விவரங்களுக்கு இங்க போய் பாருங்க.

WikiCamp in Chennai

2007-02-07T15:04:00.000+05:30

Wikicamp is all about harnessing and understanding the power of Wikis. It is a one day event aimed to bring together the best minds from the Wiki/Internet space to talk about issues, opportunities and what the future and evolution of this valuable tool looks like.

Jimmy Wales, founder of Wikipedia and President of Wikimedia Foundation will be attending the event. He will share with us the vision for Wikipedia and his experiences.

When & Where?

The event is scheduled for the 25th of February, and the venue is at Tidel Park, Chennai.

For more information please check this link. Wikicamp.in

I have missed the blogcamp, i will not miss the wikicamp.in, i have already added my name to the participants list.

பாலகுமாரன் - Interview - எனக்குள் நான்

2007-02-07T11:33:00.000+05:30

நான் மிகவும் மதிக்கும் எழுத்தாளர், எழுத்துச் சித்தர், திரு. பாலகுமாரன் குமுதம் Web TV-க்காக ஒரு monologue பேட்டி அளித்துள்ளார்.

இதில் அவர் தன்னனப் பற்றியும், தன் குடும்பம் பற்றியும், தனது குருநாதர், திருவண்ணாமலை, யோகி ராம் சுரத்குமார் பற்றியும், தனது படைப்புகளை பற்றியும சொல்லியிருக்கிறார்.

நீங்கள், இவரை பற்றி தெரிந்துகொள்ள வேண்டுமானால், இந்த பேட்டியை தவற விடக் கூடாது.பாலகுமாரன் - எனக்குள் நான்

How to read tamil posts and write tamil posts

2007-02-06T12:49:00.000+05:30

I understand lot of people (!!??!!??) who read my blog do not have
tamil fonts and hence they have probelm in reading the tamil posts. So all of them are worried that they are loosing some precious informations. To help them, i am posting a link to the thenkoodu.com, in which they have described very clearly about how to read tamil posts and write tamil posts. Please check it if you have any issues with tamil posts.

Well if you cant read tamil posts becuase you dont know tamil, then i will say, Go and LEARN TAMIL

புரியாத விஷயம்

2007-02-06T10:27:00.000+05:30

சரி போன பதிவு ரொம்ப சீரியஸா பேசியாச்சு (அ) எழுதியாச்சு. இப்போ எனக்கு புரியாத ஒரு விஷயம் பத்தி உங்க கிட்ட கேக்கணும். நான் ஒண்ணுமே எழுதாத போதே, என் பதிவை படிக்க 44 பேரு (இதை எழுதும் வ்ரை) வந்திருக்காங்களே, இதுக்கு என்ன அர்த்தம்?

நான் ரொம்ப நல்லா எழுதறேனா? ( யாரு? யாரு சான்ஸே இல்லைன்னு சொல்றது. சின்னபுள்ளதனமா.)
நாட்டில் வெட்டி officers நிறைய இருக்காங்களா? ( No. நம்புங்க please. சத்தியமா, நான் உங்களை சொல்லலை. உங்களை தவிர மத்தவங்களை தான் சொன்னேன்.)

Anyway, இப்படி நிறைய பேரு படிச்சு மத்தவங்களுக்கும் சிபாரிசு செஞ்சீங்கன்னா, உங்க தயவுல என்னோட hit counter, increase ஆகும். உங்களுக்கும் உங்க சந்ததியினருக்கும் ரொம்ப ரொம்ப புண்ணியம் உண்டாகும். கூகிள் ஆண்டவர் அருள் கிடைக்கும்.

Verdict - Long awaited

2007-02-06T09:49:00.000+05:30

The cauveri tribunal has finally given the verdict yesterday, after seventeeeeeeeeeeeeeeeeeeeeeeeeeeeeeeeeeeeeeeeen years. As usual situation is tense in Bengalooru. And as usual the Karnataka Government is NOT going to follow this. They are either going to ignore, as they did the interim judgement, or they may again approach supreme court.

I came to know through my friends that all the major areas in bangalooru is protected by police force and many major roads are blocked. Some of the IT companies announced an informal leave today. And all the trains from chennai to bengalooru were with police protection and most of them were empty.

The DMK Government in Tamilnadu has a strong say in the central Govertment at this moment. They have to utilize that to do whatever they can, through central government to make Karnataka obey the judgement. Mr. Karunanidhi has to show the same force he showed, when T.R.Balu and Dayanidhi Maran, did not get the desired portfolios.

Really Tamilnadu is a very poor state. We have to fight with Karnataka for cauvery, and with kerala for Mulla periyar and now with Andra for Palar. Earlier i was happy that Andra government is understanding and they are sharing the krishna water with Tamilnadu. But now it seems the relationship may affected due to the Palar issue. Is there any end to such issues?

My AdiSTAR

2007-02-05T12:45:00.000+05:30

It was my long time wish to buy an excellent Adidas or Reebok. Though i have a Fila, i am not satisfied with it. Already i got rough skin on my toe due to the improper sized shoes. So considering all these i wanted to buy a shoe.

There was Adidas up to 50% sale is going on, so i went there on Sunday. I tried various shoes and really got impressed with the comfort and cushion of one particular shoe. when i saw the price i got shocked and kept that aside.

That sales person told me that they have even got costlier shoes up to 17K, and showed that to me. I tried that, my goodness, you should really try that to understand the comfort it gives
you. Anyway, i didn't buy that too (obviously). But i was totally impressed. At last I finalized the 7499 shoe which i kept aside. I got 40% discount.

I was hesistating for a long time (as usual), then i decided and bought. And i used it today during my walk. I really felt the comfort level and cushion. Really i felt it was worth buying that, though my wife and mum told that we could have bought half a sovereign of gold with that money. :)

Its called as adiSTAR control. Check the link for more details.

தமிழ் ப்ளாக்

2006-12-29T15:13:00.000+05:30

இது என் முதல் தமிழ் பதிவு.

இனிமே நம்ம தமிழ்லயே புகுந்து விளையாடுவோம்ல.

யாரது? பாக்கத்தானே போறோம்னு சொல்றது?

பாருங்க பொறுத்திருந்து பாருங்க!!!!!!!!

அனைவருக்கும் என் இனிய புத்தாண்டு வாழ்த்துக்கள். இந்த 2007 உங்கள் வாழ்வில் எல்லா வளத்தையும் சேர்க்கட்டும்.

List of songs - By My all time favorite singer Jency.

2006-12-22T12:19:00.000+05:30

I am trying to collect all the songs of Jency, my all time favorite singer. I got the following from various sites and also i have added a few which are missing from the list.

en vaanile ore vennila.. - Jaani
aayiram malargalE - niram maaraadha pookkal
Iru paravaigal malai muzhuvathum - Niram maaraatha pookal
thamthana..nanthana..- pudhiya vaarppugal
idhayam pOguthE - pudhiya vaarppugal
kaathal oviyam - alaigal ooyvathillai (duet with Raaja)
unakkena thaane inneramaa - Ponnu oorukku puthusu
mayile mayile - kadavul amaitha medai
kalyaanam ennai mudikka - Metti
geetha sangeetha - Anbe angeethaa
theertha karai thanile - thai pongal
meenkodi theril - karumbu vil
Devan thiruchabai malargalae(with Vasantha) - Avar enakke sondham
Paniyum neeye malarum naane(with SPB) - Pani malar(Shankar ganesh)
Naan naan aadanum poo naan paadanum - poondhalir
Deiveega raagam thevittadha paadal - ullasa paravaigal
vaada en raajaa kannaa vaadadha roja poove - rishimoolam
adi pennae ponnoonjal aadum ilamai - mullum malarum
poo malarnthida nadamidum ponmayile - tik tik tik
Ennuir neethane.......(yesu and jency) - Priya
Aathoram Kaathaada - Engeyo Ketta Kural
Vaadi en kappa kilange - Chorus with Ilayaraja - Alaigal Oyvathillai
aada chonnarE- vattathukkuL sathuram- IR
vaanathu poongkiLi- thiripurasundari-with SJ- IR
alankara ponoonjalE - sonnathu nee thaana-with MV- IR (only humming by Jency)
thottam konda raasave - pagalil Or iravu-with IR- IR
hey Masthana - azhagE unnai aaradhikkiREn-with SPB,VJ,JC- IR
akka oru rajaathi- mugathil mugam paarkalaam-with JC- IR
naan unnai thirumba thirumba- ellaam un kairasi-IR
kaathaadu aasai koothaaduthu- karadi-with MC Balu- GA?
en gaanam indRu arangERum- eera vizhi kaaviyangaL-with IR- IR
poochoodi pottum vechu - GA

First update on my blog

2004-11-18T15:14:00.000+05:30

Hi,

I have just now created a blog space for me. Just testing the posting with this msg. I plan to update every now and then. Let me see whether it happens. C ya